Emigrantët e “Gjadrit”, Meloni takim me ministrat: Kasacioni na dha neve të drejtë!
23/12 14:22
Presidenti i SHBA-së Joe Biden u pyet nga gazetarët për dërgimin e ndihmave ushqimore në Gaza dhe armëpushim me Izraelin, por përgjigjen e kësaj çështjeje të rëndësishme e ka dhënë teksa konsumonte akullore.
Biden deklaroi se shpreson të ketë një armëpushim në luftën midis Izraelit dhe Hamasit në Gaza deri të hënën. Gjatë kësaj kohe ai konsumonte akullore dhe fliste për pyetjet e bëra, gjë që tregohet në videon e publikuar nga BBC.
“Ne jemi afër. Nuk kemi mbaruar ende. Shpresoj se të hënën e ardhshme do të kemi një armëpushim”, u tha Biden gazetarëve në New York.
Komentet e tij vijnë mes raporteve për disa përparime në negociatat indirekte që përfshijnë zyrtarë izraelitë dhe të Hamasit. Këto pritet të përfshijnë dërgimin e ndihmave në Gaza dhe lirimin e më shumë pengjeve të marra gjatë sulmeve të Hamasit të 7 tetorit 2023.
Izraeli nuk ka komentuar dhe zyrtarët e Hamasit kanë treguar se të dyja palët nuk janë aq afër një marrëveshjeje armëpushimi siç sugjeroi Biden. Katari, i cili ka ndërmjetësuar në bisedimet së bashku me Egjiptin, tha se nuk kishte ende asnjë marrëveshje për të shpallur.
Izraeli nisi një fushatë në shkallë të gjerë ajrore dhe tokësore në Gaza pasi persona të armatosur të Hamasit vranë rreth 1200 njerëz në jug të Izraelit. Sulmuesit morën gjithashtu peng 253 persona, një numër prej të cilëve që atëherë janë liruar.
Ministria e Shëndetësisë e drejtuar nga Hamasi në Rripin e Gazës njoftoi se të paktën 29,878 njerëz janë vrarë në territor që atëherë, duke përfshirë 96 vdekje në 24 orët e fundit, përveç 70,215 që janë plagosur.
Top Channel
