50-vjeçari Pëllumb Meta u gjet i groposur në kasollen e bagëtive këtë të premte.,
Sipas gazetares së Top Channel, Dorjana Bezat për ngjarjen janë pyetur dhe e ëma dhe 2 vëllezërit të cilët thonë se krimin e ka kryer 19 vjeçarja dhe se ata nuk kishin dijeni per asgjë.
Sipas informacioneve, policia se beson versionin e saj as për veprimin e vetme dhe as për armën që e ka hedhur në det.
Por vrasjen e ka kryer ajo sepse i janë gjetur faktor plotësues në duar. Ndërsa pjestarëve të tjerë të familjes jo, çka nënkupton se qitjen e ka bërë vajza. Në trupin e viktimës janë gjetur 4 plumba dhe vetë autorja thotë se e ka qëlluar 4 herë.
Gjatë dëshmisë ajo tha se e ka kryer me gjakftohtësi krimin, pas një urrejtje të mbledhur prej kohësh.
“Jam e lumtur që e kreva unë këtë punë dhe nuk pendohem që kam vrarë tim atë. Ai na ka torturuar dhe i ka nxirë jetën nënës sime. Unë jam fëmija i vogël i familjes. Motra është më e madhja është e martuar, janë 2 vëllezërit dhe pastaj unë.
Mami dhe ne nuk kemi folur kurrë në familje. Për gjithçka fliste dhe vendoste babai. Ai nuk na pyeste kurrë çfare dëshironim. Kur mori vendimin për martesën time aty erdhi fundi. Nuk dëgjoi çfarë unë doja. M’u mblodh një urrejtje për një kohë të gjatë. Ditën e ngjarjes nuk u konfliktuam fare. Mora armën që babi përdorte kur shkonte në punë si roje dhe e qëllova brenda kasolles së bagëtive.
Pas krimit e kam mbështjellë me një çarcaf pastaj me fasho e në fund me qese. Armën e hodha buzë detit”, tha ajo.
Si ndodhi ngjarja?
Kujtojmë se Hygerta Meta dyshohet se vrau të atin Pëllumb Meta me katër plumba dhe më pas e groposi në kasollen e bagëtive.
19-vjeçarja Hygerta Meta, studente e Fakultetit të Gjuhëve të Huaja në Tiranë ndërmori aktin e rëndë, pasi viktima donte ta fejonte pa dëshirën e saj.
Janë ende të paqarta detajet se si ka ndodhur dinamika e ngjarjes dhe nëse ajo është ndihmuar nga nëna dhe vëllezërit e saj, të cilët janë vënë nën hetim dhe po merren në pyetje në polici.
Policët janë ende në kërkim të armës, të cilën nuk dihet ende se ku e ka hedhur e reja.
Dyshohet se viktima ishte një person autoritar dhe i rreptë në familje, edhe pse fqinjët e përshkruajnë të qetë dhe pozitiv.
Djali i madh i familjes e kishte denoncuar të zhdukur viktimën dhe pas 10 ditësh hetime policia gjeti trupin të gropozur.
Në datën 17 shkurt është bërë e mundur gjetja e automjetit të 50-vjeçarit, të parkuar në aksin rrugor Shënavlash-Sektor Rinia.
Grupi i posaçëm hetimor po vijon hetimet e thelluara për të identifikuar dhe vënë përpara përgjegjësisë ligjore, shtetas të tjerë të implikuar në këtë ngjarje, ndërsa trupi i tij është zhvarrosur dhe është transportuar në Institutin e Mjekësisë Ligjore, për kryerjen e ekspertizës mjekoligjore.
Top Channel
