“Ka një dramë e një komedi për mësuesin”, intervista e veçantë e Artan Fugës në “Top Story”: Kemi një “tradhti” të elitave 25/11 23:02
Arsyet e vizitës se Sekretarit Amerikan të Shtetit, Antony Blinken dhe mesazhet e përcjellja prej tij, shkaktuan debat mes të ftuarve këtë mbrëmje në “Top Story”.
Sipas ministres së Shtetit për Marrëdhëniet me Parlamentin, Elisa Spiropali, Blinken dëshmoi se Shqipëria është faktor në rajon dhe se Rama është lider i besueshëm. Në diskutim ndërhyri analisti Alfred Lela dhe drejtori i Departamentit të Lajmeve në Top Channel, Robert Rakipllari.
Ndërkohë, Rakipllarit vuri në dukje se Shqipëria është vendi më proamerikan në rajon dhe mund të luajë një rol për të ndërprerë ekspansionin rus.
Pjesë nga debati
Spiropali: Po flasim për një takim, ku praktikisht ishin ata që i kanë mundur dhe ata që i kanë shpallur të padëshirueshëm. Nuk e kuptoj se si mund të kthehet e gjitha kjo analizë në një kritikë teorike të zotit Blinken dhe poltikës amerikane të DASH
Lela: Po, edhe McGonigalin
Spiropali: Dy njerëzit që ishin sot në takim…
Lela: E keni takuar Charles McGonigal?
Spiropali: Jo, kurrë. Ju merruni me të. Më duket e tepërt që të rri dhe të analizoj, më vjen si turp që të rri të merrem me diskutimin e një opozite, për të cilën sot më vjen keq. Sot është e qartë, që opozita nuk është vetëm e braktisur nga qytetarët, por edhe nga partnerët tanë në mënyrën më të hapur.
Lela: Po për informacionet e dala nga kryeministria që iu dhanë McGonigal.
Spiropali: Po më duket si një debat për qarjen e hallit të kalorësit që i varen këmbët? A mund të flasim seriozisht. Kemi një qeveri dhe një kryeministër, që është fuqimisht i mbështetur dhe jo më kot. Jo se papritur Blinken u zgjua dhe tha të kaloj edhe njëherë nga Shqipëria. Por se Shqipëria është një faktor. Rama është një lider i besuar
Rakipllari: Kur fillon dhe flet ti për Edi Ramën është histori tjetër
Spiropali: Nuk fola unë sot për zotin Rama
Rakipllari: Aty nuk të konkurroj dot. Këtu je e pakonkurrueshme
Spiropali: Unë po citoj zotin Blinken
Rakipllari: Një nga mesazhet e Blinken ishte reforma në drejtësi dhe rezultatet e saj. Sot Rama i tha Blinken ju i kthyet faqen historisë së Shqipërisë. Sepse reforma në drejtësi është produkt amerikan, prandaj është sot e besueshme. Ky është momenti që drejtësia të bëjë atë që nuk është bërë deri më tani
E dyta, Shqipëria nuk është vendi më demokratik në rajon, por është vendi më proamerikan. Rama është i qartë që i dëgjon amerikanët dhe i dëgjon. Edhe Blinken e tha këtë. Në kuadrin e gjithë situatës gjeostrategjike, Shqipëria mund të luajë një rol për të dhënë një mesazh, ku luan rolin për të ndërprerë këtë ekspansion rus.
Edhe komplimentet për Ramën janë në këtë kuadër. Rama është aleati i tyre në rajon.
Top Channel
