EXCLUSIVE/ Australiani zhduket në Theth! Vëllai i të riut intervistë për Top Channel, kërkon ndihmë për gjetjen e 28-vjeçarit 25/11 19:47
Ministrja Elisa Spiropali e ftuar në Top Story komentoi ardhjen e Sekretarit amerikan të Shtetit Antony Blinken në Tiranë, ndërsa theksoi se reforma në drejtësi erdhi për shkak të qeverisë në pushtet, pra PS dhe mbështetjen e SHBA.
Spiropali u përplas me Alfred Lelën, pasi tha se Beogradi nuk është më qendra e rajonit, pasi Blinken zgjodhi Tiranën si vendin e vetëm në rajon për të vizituar.
“Nuk e kemi hedhur ne atë gjilpërë në kashtë, nuk e di se kush e ka hedhur. Ne e kemi thënë që duhet vullnet për të bërë reformën në drejtësi, se ndryshe do e kishin bërë shumë të tjerë para nesh. Ne e dërguam për votim me shtysën e fortë të SHBA dhe Evropës. Kur themi ne them për vullnet politik, ka patur vullnet nga të dyja palët, ka pasur edhe një krisje me aleatin tonë në atë kohë”, tha Spirpali.
A do të shtohet numri i afganëve që do vijnë në Shqipëri?
Spiropali: Nuk është diskutuar asnjë çështje e tillë, është diskutuar pozita e Shqipërisë sot, si një partner më i besuar, që kanë parë një vend ku mund të mbështeten në momente të vështira U fol për rajonin, ishte i vetmi vend në rajon që takoi, nuk është më Beogradi qendra politike dhe rajonale, por është Tirana.
Lela: Mirë që thonë këtë se zoti Rama Beogradin kishte, derisa i dha fund Ballkanit të Hapur, sa mirë që e morët këtë kthesë zonja Spiropali
Spiropali: Kjo është një çështje e interesit tonë kombëtar. Tirana është qendra e rajonit.
Lela: Flasim për këto që kanë ndodhur
Spiropali: Mund të flasim edhe për rrezikun anglo amerikan edhe sorosian në Shqipëri, po nuk besoj se është serioze. Flamuri amerikan nuk ka mjaftuar për të shpallur “non grata” dikë, është një çështje e korrupsionit, antikorrupsion, demokracisë dhe zhvillimit të Shqipërisë.
Lela: Autori i “non grata” dhe ai që është shpallur “non grata” kanë thënë secili gjërat e tyre dhe është mbyllur, ky e ka hedhur në gjyq dhe i ka thënë më jep një fakt
Spiropali: Autori i non gratës ishte sot në krah të kryeministrit, i shpalluri non grata ishte në ballkon
Lela: Pse nuk e solli atë dosjen e akuzave që ia kërkuar?
Spiropali: Mirë, kërkojani Blinken, meqë e keni hedhur në gjyq
Lela: Po jua kërkoj ju, meqë po bëni zëdhënësen
Spiropali: Nuk ka nevojë Blinken për zëdhënjen time dhe nuk besoj se i vijnë këto zhurmnaja me këto gjyqe të imagjinuara
Top Channel
