Trump zhvillon takimin e parë me një lider të huaj pas fitores, përse zgjodhi presidentin e Argjentinës? 16/11 08:15
Dy bomba të shpërthyera sot, nje në zyrën e një partie politike dhe një tjetër në zyrën e një kandidati të pavarur në jugperëndim të Pakistanit, kanë vrarë të paktën 26 njerëz dhe kanë plagosur 50 të tjerë, një ditë para zgjedhjeve parlamentare në vend.
Dhuna e pazakontë elektorale e këtij viti në Pakistan vjen pas arrestimit për korrupsion të liderit kryesor opozitar, ish-kryeministrit Imram Khan, partia e të cilit e konsideron sulmin politik.
Tragjedia e sotme nisi me sulmin në zyrat elektorale në Pishin në rajonin e trazuar të Balochistan, duke vrarë 15 njerëz e duke plagosur 30 të tjerë sipas autoriteteve.
Më pak se një orë më vonë një tjetër shpërthim goditi zyrën e partisë konservatore Jamiat Ulema-e-Islam (JUI-F) në Qilla Saifullah, gjithashtu në Balochistan ku të paktën 11 njerëz u vranë dhe po aq u plagosën.
“Të penduarit janë shumë dhe po i dërgojnë në spitalet e qendrës së provincës Quetta, me helikopter,” tha Yasir Khan Bazai, kreu i policisë vendase.
Asnjë nuk ka marrë përgjegjësinë për sulmet por në mitingjet e partisë JUI-F ka pasur vitin qe shkoi dy sulme vetëvrasëse, që më pas u pretenduan nga Shteti Islamik.
Sulmet e sotme erdhën megjithë angazhimin e gjerë të dhjetra mijëra forcave të rendit në qytetet e Pakistanit për të siguruar mbarëvajtjen e zgjedhjeve.
Edhe më 30 janar, një grup militant separatist në Balochistan sulmoi një pikë të forcave të sigurisë duke vrarë gjashtë njerëz, sipas autoriteteve.
Ministri i brendshëm i përkohshëm i Balochistan, Muhammad Zubair Jamali, tha se 80% e qendrave të votimit të rajonit janë shpallur ‘të ndjeshme’ për nga siguria.
Nawaz Sharif, kreu i partisë PML-N i cili konsiderohet si në avantazh për zgjedhjet e të enjtes, dënonte sulmet. “Këto sulme të pista terroriste disa orë par zgjedhjeve, nuk do të trembin frymën tonë të avancimit”, tha ai.
Top Channel
