Ndërtesa në formë pule më e madhe në botë, është gjithashtu hotel në ishullin turistik (fotot)
27/11 18:09
Rrënoja e një anijeje që besohet se është disa shekuj e vjetër ka dalë në sipërfaqen e oqeanit në veri të Kanadasë, duke habitur vendasit e studiuesit.
Rrënoja e rrallë u shfaq në brigjet e Newfoundland në verilindje të Kanadasë pas kalimit të stuhisë Fiona.
Një gjuetar i ri vendas ishte i pari që e vuri re mes valëve të bregdetit më 20 janar.
21 vjeçari vendas Gordon Blackmore, tha për rrjetin CBC: ‘Ishte e mrekullueshme. Jam shumë kurioz të mësoj si quhej anija, sa e vjetër është dhe nëse kanë vdekur njerëz të shkretë në të”.
Ekspertët thonë se anija e drunjtë besohet t’i përkasë shekullit të 19-të, ajo është thuajse 30 metra e gjatë dhe besohet se ka qenë anije për gjueti balenash.
Kreu i shoqërisë së antikiteteve në Newfoundland e Labrador tha për rrjetin Guardian: “Kjo është një ngjarje e rëndësishme, është ndërtuar me dru të fortë, lis ose ah, prandaj besojmë se nuk është prodhuar këtu në Newfoundland por ndoshta në Evropë”.
Zyrtarët thanë se po ruajnë që rrënoja të mos merret përsëri nga deti në mënyrë që të tentohet dokumentimi i saj.
Edhe në vitin 2021 një seri stuhish dimërore zbuluan disa struktura të vjetra të drunjta që datonin prej viteve 1800, në të njëjtën zonë.
Top Channel
