“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Analisti Arjan Curri ka deklaruar se krahas pistës për tradhëti bashkëshortore, Naim Murseli po hetohet edhe për spiunazh.
Për “Top Story”, Curri ka deklaruar se në këtë pistë që po hetohet nga hetuesit e Kosovës janë përfshirë edhe amerikanët për të kuptuar pse ka komplot mes vrasësve.
Curri: Këto ditë ka plasur një histeri në Shqipëri, Kosovë, por edhe Diasporë, se Naim Murseli që është vrasësi, paska dalë dhe paska thënë se ‘shikoni, gruaja ime është ajo që më ka tradhtuar’. Dhe këta njerëz, kaq shumë janë të gëzuar në budallallëkun e tyre se pista që Naimi mund të ketë pasur një problem të orjentimit seksual, nuk është e vërtetë. Dhe kaq i madh është budallallëku i tyre saqë më shumë gëzohen se mund të jetë Liridona e akuzuar për devijim morali sesa Naim Murseli.
Por kjo pistë është duke u hetuar sepse në celularin e Murselit ka mesazhe të një natyre seksuale dhe homoseksuale. Së dyti, Naimi po hetohet edhe për përfshirje në spiunazh. Është një pistë që po hetohet nga hetuesit e Kosovës dhe të përfshirë në të janë edhe amerikanët.
Së treti, ka momente të caktuara të hezitimit të autoriteteve të Kosovës për t’i dhënë një fuqi, një plotësi, një paanshëmri dhe një thellësi hetimit të kësaj ngjarje. Kjo nuk është thjesht çështje morale. Ne e kemi thënë që ka edhe tradhti bashkëshortore, ka edhe aferë seksuale, ka edhe probleme të orientimit, por kujdes sepse nuk janë vetëm aq. Ne jemi duke e ndjekur me vëmendje këtë gjë.
Duma: Është një fenomen për t’u studiuar se si ka ndodhur që një personazh i tillë të ngjitet në ato rrethe politike. Të duket sikur është borxhëli, pastaj nevojtarë, dhe më pas të jetojë në atë zonë rezidenciale. Pastaj të nis një komplot për të vrarë bashkëshorten të cilën e nxjerr për darkë. Mbetet për t’u parë nëse kjo është një thriller apo diçka interesante, ose një alarm se gjithçka mund të ndodhë edhe në hapësirat tona të vogla që mendojmë se jetojmë në një shoqëri tradicionale dhe e njohim mirë njeri-tjetrin.
Curri: Po flasim këtu për një person që ka qenë në dasmën e vajzës së Trump. Është edhe çështje e sigurisë kombëtare të Shteteve të Bashkuara të Amerikës.
Top Channel
