Nelson Hysa, i pathyeshëm! Gjunjëzon në më pak se dy raunde kundërshtarin me KO
23/11 07:20
Pas 33 vitesh, Brest ia doli për të marrë pikë në Paris, teksa skuadra e Eric Roy-t ndali në një barazim 2-2 Paris Saint-Germain, në takimin e javës së 19-të.
Një barazim që rihap tashmë kampionatin, sepse parisienët kanë gjashtë pikë më shumë se vendi i dytë, Nice, ndërsa pas sfidës ndaj Brest, Luis Enrique u shpreh i pakënaqur me skuadrën për mënyrën se si e shpërdoroi avantazhin e dyfishtë.
“Është e thjeshtë, ne e humbëm kontrollin e ndeshjes. Për çfarë? Sepse është futboll, mund të ndodhë dhe ndodhi sepse po luajtëm kundër një ekipi shumë të mirë. Brest është një skuadër simpatike, madje ata ishin në gjendje edhe për ta fituar sepse na vendosën në vështirësi. Duhet të ishim më të kujdesshëm në pjesën e dytë, këtu nuk po flas vetëm për mbrojtjen, por edhe për sulmin sepse ne kishim mundësi për të shënuar edhe golin e tretë, por nuk ia dolëm. Në dhomat e zhveshjes, në pushim i kërkova skuadrës të mos e ulte ritmin, por pësuam shpejt, kjo është e gjitha” – tha fillimisht Luis Enrique.
Më pas, trajneri spanjoll foli edhe për Asensio-n dhe Kolo Muani, teksa nuk mungoi edhe një koment për Xavi Hernandez, teksa u pyet mbi mundësinë e rikthimit te Barcelona.
“Asensio zhvilloi një pjesë të parë shumë të mirë, ndihmoi skuadrën në metrat e fundit dhe për më tepër gjeti edhe golin. Jam shumë i lumtur për të, ai është një lojtar i shkëlqyer dhe me shumë eksperiencë. Dua të vlerësoj edhe Barcola-n, bëri një ndeshje të madhe edhe pse në fund u ndëshkua me kartonin e dytë të verdhë. Po ashtu jam i lumtur edhe për Kolo Muani, por kemi ende punë përpara. Xavi dhe Barcelona? Nuk kam asnjë koment për këtë, fundja nuk kam se çfarë të them as për vendimin e Xavi-t e as për të ardhmen” – përfundoi Luis Enrique.
PSG kryeson kampionatin francez me 44 pikë, gjashtë më shumë se Nice, ndërsa të premten do të zbresë në fushën e lojës përballë Strasbourg./SuperSport
Top Channel
