Vllaznia mund Tiranën në “Klasiken shqiptare”, Skënderbeu fundos Partizanin, paqe mes Teutës dhe Elbasanit (Renditja) 24/10 21:41
Skema e ngjyrave
Madhësia e shkrimit
Jannik Sinner bën të madhin përballë Novak Djokovic.
Tenisti italian eliminoi numri një të botës në gjysmëfinalen e Australian Open falë një fitore me shifrat 3-1. Dy setet e para nuk kishin shumë histori dhe u dominuan tërësisht nga 22-vjeçari, që e mposhti serbin 6-1 dhe 6-2.
Seti i tretë pati nevojë për “tie-break” që shkoi për Djokovic me shifrat 7-6 (8-6), por edhe në këtë set, Sinner e pati mundësinë për ta mbyllur ndeshjen, por nuk ia doli. Megjithatë, në setin e katërt, Sinner u rikthye dominues dhe e mbylli me shifrat 6-3 duke arritur kështu finalen e parë Grand Slam në karrierë dhe duke eliminuar fituesin e 10 turneve Australian Open. Falë këtij suksesi, italiani i jep fund edhe ecurisë prej 33 fitoresh radhazi të Noles në tokën australiane. Hera e fundit kur Djokovic mundej në Australian Open ishte në vitin 2018, në turin e 1/16-tave ndaj koreano-jugorit, Hyeon Chung.
Top Channel
