Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
Departamenti i Thesarit i SHBA-së vendosi të premten sanksione ndaj dy kompanive për dërgimin e mallrave iraniane të cilat shiten për të ndihmuar në financimin e Houthis.
SHBA vendosi sanksionet një ditë pas kryerjes së sulmeve në Jemen kundër Houthis në përgjigje të valës së sulmeve Houthi në Detin e Kuq.
Mallrat u dërguan në emër të një financuesi të sanksionuar nga SHBA, të mbështetur nga Irani, Sa’id al-Jamal, sipas Departamentit të Thesarit. Ai u sanksionua nga SHBA në qershor 2021 për rolin e tij në ndihmën për financimin e Korpusit të Gardës Revolucionare Islamike të Iranit – Forca Qods dhe Houthis.
Të ardhurat nga shitja e këtyre mallrave “mbështesin Houthis dhe sulmet e tyre të vazhdueshme kundër anijeve ndërkombëtare në Detin e Kuq dhe Gjirin e Adenit”, tha Departamenti i Thesarit në një njoftim për shtyp.
Objektivi i sanksioneve të së premtes:
Cielo Maritime Ltd, një kompani me bazë në Hong Kong, për të cilën Departamenti i Thesarit tha se “ka dërguar mallra iraniane në Kinë në mbështetje të Sa’id al-Jamal”.
Global Tech Marine Services Inc, një kompani me bazë në Emiratet e Bashkuara Arabe që “ka dërguar në mënyrë të ngjashme mallra iraniane në mbështetje të Sa’id alJamal”.
Përveç sanksioneve të së premtes kundër dy kompanive, Departamenti i Thesarit gjithashtu identifikoi si pronë të bllokuar katër anije të përdorura nga kompanitë për të maskuar origjinën iraniane të mallrave.
Top Channel
