Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
Sekretari amerikan i shtetit, Antony Blinken u ka kërkuar vendeve të Lindjes së Mesme që të përdorin ndikimin e tyre mbi aktorët rajonalë që konflikti i Gazës të frenohet dhe të parandalohet, ndërsa ai vijon udhëtimin e tij njëjavor me qëllim qetësimin e tensioneve.
Deklarata e Blinken ndodhi të shtunën, pasi grupi i Hezbollahut i Libanit i mbështetur nga Irani tha se kishte lëshuar raketa në drejtim të Izraelit , i cili tha se kishte goditur një “celulë terroriste” në shenjë hakmarrjeje, sipas The Guardian.
Hezbollahu i quajti sulmet një “përgjigje paraprake” ndaj vrasjes së liderit të lartë të Hamasit në Bejrut javën e kaluar në një sulm që i atribuohet gjerësisht Izraelit.
“Ne duam të sigurohemi që vendet … [po] përdorin marrëdhëniet e tyre me disa nga aktorët që mund të përfshihen, për t’u siguruar që ne nuk po shohim përhapjen e konfliktit”, tha Blinken përpara fluturimit në Jordani, pas takimit me krerët e Turqisë dhe Greqisë.
Komentet e tij erdhën pasi ministrja e jashtme e Francës i tha homologes së saj iraniane se “Irani dhe filialet e tij” duhet të ndalojnë “aktet destabilizuese” që mund të nxisin një konflikt më të gjerë në Lindjen e Mesme.
Blinken, i cili gjithashtu do të vizitojë shtetet arabe, Izraelin dhe Bregun Perëndimor të pushtuar, tha se do të shikojë se çfarë mund të bëhet për të maksimizuar mbrojtjen e civilëve në Gaza dhe për të rritur dërgesat e ndihmës humanitare.
“Shumë palestinezë janë vrarë, veçanërisht fëmijë”, tha ai.
Lufta filloi kur luftëtarët e Hamasit sulmuan Izraelin më 7 tetor , duke vrarë 1200 njerëz dhe duke marrë peng 240. Ofensiva hakmarrëse e Izraelit ka vrarë 22,700 palestinezë, sipas ministrisë së shëndetësisë të Hamasit të Gazës.
Ushtria izraelite tha të shtunën se kishte “përfunduar çmontimin” e strukturës komanduese të Hamasit në Rripin verior të Gazës.
Zëdhënësi i ushtrisë Daniel Hagari u tha gazetarëve se militantët palestinezë tani po veprojnë në zonë vetëm në mënyrë sporadike dhe “pa komandantë”.
“Tani fokusi është në çmontimin e Hamasit në qendër të Rripit të Gazës dhe në jug të Rripit të Gazës”, tha ai, ndërsa pranoi se detyra do të marrë kohë.
Të shtunën, luftimet u ndezën në dhe afër qytetit jugor të Khan Younis, ku ushtria izraelite tha se kishte vrarë anëtarë të Hamasit. Gjysmëhëna e Kuqe Palestineze raportoi bombardime të rënda pranë spitalit Al-Amal në Khan Younis. Shrapnel fluturoi në objektin mjekësor mes zhurmës së të shtënave nga dronët, thuhet në mediat sociale.
Top Channel
