Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Një kërkesë e bërë nga Andrew Tate dhe vëllai i tij Tristani, për ta vizituar nënën e tyre në Mbretërinë e Bashkuar, pas një sulmi në zemër, është refuzuar nga një gjykatë në Rumani.
“Shteti rumun ka vendosur që ajo të jetë e vetmuar për Krishtlindje, nëse është e gjallë”, shkroi Andrew në “X”.
Vëllezërit Tate po përballen me akuza për dhunim dhe trafikim, ndonëse të dy i hedhin poshtë ato. Aktualisht, ata nuk mund të largohen prej Rumanisë.
Seanca e fundit është mbajtur me dyer të mbyllura dhe gjyqtari pritet të publikojë arsyetimin mbi vendimin në ditët në vijim.
Vëllezërve u është garantuar liria për të lëvizur brenda Rumanisë, pas një periudhe nën arrest shtëpiak, mirëpo udhëtimi ndërkombëtar është i kufizuar.
Ata janë arrestuar në dhjetor të vitit 2022, pasi akuzohen se kanë abuzuar me gratë duke u premtuar martesë në këmbim të akteve intime.
Andrew Tate këmbëngul se është i pafajshëm, dhe beson se prokurorët kanë mungesë provash për akuzat që rëndojnë mbi të. Ai ka tentuar së fundi që t’i rikthejë asetet e konfiskuara, përfshirë makinat luksoze dhe orë në vlerë të miliona eurove.
Top Channel
