Kryesore Të Fundit

Inside Story/ Rreziqet për fëmijët online, “TikTok” kryeson në numrin e raportimeve diplomatike

20/12/2023 21:18

“Tik Tok” është një nga rrjetet sociale “fajtore” për rrëmbimin e shpejtë dhe pa kuptuar të kohës së përdoruesve, e sidomos fëmijëve apo adoleshentëve.

Ky rrjet social është në pronësi të kompanisë kineze ByteDance dhe gjeneron video nga përdoruesit, të cilat mund të jenë nga 3 sekonda deri në 10 minuta. Tik Tok u lançua në vitin 2017 globalisht. Për rreth 6 vjet u bë një nga aplikacionet më popullore në botë, duke marrë hov gjatë pandemisë.

“TikTok është njëri nga aplikacionet që është totalisht jashtë kontrollit përsa i përket përdorimit në Shqipëri, nga evidentime që janë bërë nuk ka asnjë aplikacion tjetër që të ketë aq shumë gjuhë urrejtje, diskriminim, dhunë, bullizëm, ekspozim të fëmijëve ndaj materialeve të papërshtatshme për moshën, janë publikuar raste të fëmijëve të abuzuar seksualisht, nga eksperienca ime në fushën e mbrojtjes së fëmijëve TikTok është një aplikacioni totalisht jashtë kontrollit“, u shpreh Mirgit Vataj, kryetar i urdhrit të punonjësve socialë.

TikTok ka krijuar polemika në të gjithë botën pas përhapjes masive. Edhe pse në fillim nisi si një aplikacion me video kërcimesh apo këngësh, shpejt u kthye në gjenerues të disa aktiviteteve, shumë prej të cilave të rrezikshme, sikurse janë sfidat e ndryshme.

“Ka një sfidë dhe luftë mes adoleshentëve për të pasur sa më shumë audiencë, në rrjetet sociale kjo matet me numrin e shpërndarjeve të materialeve, pëlqimeve që merr në postim. Sa më shumë pëlqime të kesh në rrjetet sociale, bëhesh më shumë i famshëm. Dhe kjo bëhet për të rritur famën“, u shpreh Mirgit Vataj, kryetar i urdhrit të punonjësve socialë.

Top Channel