Tërmet i fuqishëm në Kinë, më shumë se 100 të vdekur! Ekipet e shpëtimit luftojnë me temperaturat nën zero

Tërmeti tronditi qarkun Jishishan në provincën Gansu të hënën vonë në mbrëmje, duke dëmtuar shtëpi dhe rrugë. Ekipet e shpëtimit u përpoqën për të kërkuar të mbijetuarit e bllokuar nën rrënoja, ndërsa banorët nxituan jashtë, duke u grumbulluar gjatë natës në të ftohtin e ashpër të dimrit.

Deri më tani tërmeti ka vrarë 113  njerëz, ka plagosur 536  dhe ka dëmtuar më shumë se 4,700 shtëpi në Gansu, thanë autoritetet provinciale në një konferencë shtypi.

13 njerëz kanë vdekur në provincën fqinje të Qinghai  182 të tjerë janë plagosur.

Tërmeti goditi pak para mesnatës, ndërkohë që shumë njerëz ishin në gjumë në shtëpitë e tyre. Tërmeti ishte me 5.9-magnitudë në një thellësi të cekët pak më shumë se 6 milje, sipas Shërbimit Gjeologjik të Shteteve të Bashkuara..

Lëkundjet zgjatën gati 20 sekonda dhe u ndjenë në kryeqytetin e provincës Lanzhou 102 kilometra (63 milje) larg, raportoi CCTV.

Disa shtëpi fshatrash në Gansu dhe Qinghai janë shembur, ku zjarrfikësit përpiqen të nxirrnin të mbijetuarit nga rrënojat në errësirë. Më shumë se 1600 zjarrfikës ndodhen në terren.

Tërmeti ka ndërprerë gjithashtu furnizimin me ujë dhe energji elektrike, si dhe sinjalet celulare në disa zona, duke komplikuar përpjekjet e shpëtimit.

Në Jishishan, banorët u zgjuan nga lëkundjet e forta. Shumë dolën me nxitim nga shtëpitë e tyre për të kërkuar siguri në zona të hapura. Video dhe imazhe në mediat shtetërore tregojnë familjet që grumbullohen së bashku dhe të mbështjella me batanije të trasha në një shesh publik.

Autoritetet kanë ngritur tenda në një vend zhvendosjeje të përkohshme në një shesh në Dahejia, një qytet i goditur rëndë në qarkun Jishishan, raportoi CCTV.

Temperatura më e ulët në Jishishan ishte -14 gradë Celsius gjatë natës.

Temperaturat nën zero përbëjnë “sfidën më të madhe” për përpjekjet e shpëtimit, tha Wang Duo, një ekspert i përfshirë në shpëtim, për gazetën shtetërore China Newsweek. “72 orët e para zakonisht konsiderohen si “periudha e artë” për shpëtim, por kjo dritare e çmuar kohore shkurtohet në këtë rast për shkak të të ftohtit të ashpër, tha Wang.

Zona të mëdha të Kinës, përfshirë veriperëndimin e saj, janë kapluar nga një ftohje e papritur ditët e fundit, me temperaturat që kanë rënë afër niveleve të ulëta historike në disa zona veriore.

Kinez Xi Jinping u bëri thirrje autoriteteve të “bëjnë përpjekje të gjithanshme” për të kërkuar të mbijetuarit dhe për të trajtuar të plagosurit, duke vënë në dukje se katastrofa ndodhi në një zonë me lartësi të madhe me mot të ftohtë, sipas Xinhua.

Kina nuk është e huaj për tërmetet e fuqishme, veçanërisht në pjesët jugperëndimore të vendit, ku pllaka tektonike euroaziatike takohet me pllakën indiane, një përplasje dramatike që krijon Himalajet e fuqishme dhe pllajën e madhe tibetiane.

Tërmeti pritet të jetë më vdekjeprurësi që ka goditur Kinën në gati një dekadë, pasi një tërmet në provincën jugperëndimore të Yunnan vrau rreth 600 njerëz në vitin 2014.

Provinca fqinje e Yunnan, Sichuan, u përball me një tërmet shkatërrues me magnitudë 7.9 në vitin 2008 që vrau rreth 90,000 njerëz.

Top Channel