“Përgjithmonë Dhora”! ‘Exclusive” për rektoren e parë të universitetit të Shkodrës

Traditat kulturore të këtij qyteti mbeten vlera të spikatura të historisë, kulturës dhe arsimit shqiptar. Universiteti, i cili mban emrin e një shenjë shqiptare si Luigj Gurakuqi, është shembulli më i spikatur i edukimit të brezave në një kohë jo pak të vështirë.

Autorja Monika Stafa sjell në programin “Exclusive” të së dielës një prej figurave ikonike të këtij Universiteti. Ajo është rektorja e parë e këtij universiteti, profesoreshë Dhora Lloja.

“Ajo ka një të mirë të madhe që dëgjon më shumë dhe këtë e bëjnë vetëm gratë e mençura”- tha Myfarete Laze, këngëtare dhe ish- studente e profesoreshë Dhora Lloja.

“Kur ajo erdhi si rektore dhe në komunitetin e studentëve u prit me kërshëri, se ishte rektore femër, relativisht e re. Dhe ne i kishim sytë tek ajo…”- tha Ermira Alija ish- studente e profesoreshë Lloja.

Dhora Lloja është shembulli i pedagogjisë, filozofisë, psikologjisë dhe etikës, personalitet i spikatur i arsimit kombëtar, edukuese, pedagoge, drejtuese e shquar e Institutit Pedagogjik Shkodër, sot Universiteti “Luigj Gurakuqi”.

Profesoreshë Dhora, ashtu si ajo pëlqen të thirret ende është një figurë e patjetërsueshme e arsimit shqiptar për kontributin e pashembullt në edukimin e dhjetëra brezave ndër vite, prej universitetit të vetëm në kryeqendrën e veriut, Shkodrën.

Po si kujtohet ajo sot nga ish-studentët e saj? Rektorja e parë grua në gjithë arealin shqiptar në një sistem ku liria dhe idealet u përçudnuan me ndëshkim. Po si i mbijetoi ajo atyre kohëve duke ruajtur ende emrin e mirë? “Përgjithmonë Dhora”! ‘Exclusive” për rektoren e parë të universitetit të Shkodrës.

Top Channel