Zbuloni disa nga simptomat e kancerit të gjakut 23/11 08:08
Gjykata e Lartë e SHBA do të vendosë të kufizojë aksesin e një pilule aborti të përdorur zakonisht.
Kjo do të jetë çështja më e rëndësishme e të drejtave riprodhuese në SHBA, pasi gjykata i dha fund të drejtës mbarëkombëtare për abort.
Administrata Biden i ka kërkuar gjykatës të anulojë këtë vendim për të kufizuar aksesin në ilaçin “Mifepristone” për shkak të shqetësimeve të sigurisë kundër abortit.
Pilula është legale në SHBA që nga viti 2000 dhe hulumtimet kanë treguar se është e sigurt.
Një vendim i tillë pritet të zbatohet verën e ardhshme, disa muaj para zgjedhjeve presidenciale.
Kjo përplasje aktuale mbi abortin filloi në nëntor të vitit 2022 kur një grup mjekësh dhe aktivistësh protestuan kundër abortit, të njohur si “Aleanca për Mjekësinë Hipokratike”.
Ata pretenduan se “Administrata e Ushqimit dhe Barnave” (FDA) kishte miratuar në mënyrë të paligjshme ilaçin dhe pretenduan se pilula ishte e pasigurt.
Çështja e kthen gjykatën në pozicionin për të vendosur të drejtat riprodhuese amerikane, më pak se dy vjet pas përmbysjes së “Roe” kundër “Wade” një vendim historik i vitit 1973 që garantonte aksesin e abortit në SHBA.
Që kur gjykata anuloi vendimin prej dekadash, shumë shtete kanë ndaluar ose kufizuar procedurat e abortit.
Kohët e fundit, beteja mbi abortin është përqendruar tek abortet me ilaçe, metoda më e zakonshme për t’i dhënë fund shtatzënive në SHBA, sipas Institutit “Guttmacher”.
Që nga viti 2016, FDA ka lehtësuar më tej aksesin në ilaç. Agjencia ka lejuar mjekët të takojnë pacientët nëpërmjet telemjekësisë dhe recetave që do të dërgohen me postë.
Top Channel
