Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Mijëra njerëz dolën mbrëmë në rrugët e kryeqytetit sllovak Bratislava për të protestuar ndaj reformës së kodit kriminal të vendit, të kritikuar nga opozita dhe nga bashkimi Evropian.
Reformat raportohet se përfshijnë zbutjen e dënimeve për korrupsion dhe krime financiare, madje hiqnin të drejtën e mbrojtjes për zyrtarët që i denonconin ato, shkruan rrjeti AFP.
Javës që shkoi qeveria aprovoi heqjen e agjencisë së prokurorëve për korrupsionin e lartë dhe krimin e organizuar, në vendin anëtar të BE me 5.4 milionë banorë.
Kryeministri sllovak Robert Fico tha më herët se kjo agjenci ishte e njëanshme dhe nuk kishte trajtuar me drejtësi rastet e partisë së tij Smer-SD.
Sipas organizatorëve rreth 15,000 protestues kishin ardhur në kryeqytet për të protestuar, teksa demonstrata më të vogla u mbajtën në disa qytete të tjera.
“Kjo qeveri kërkon të prishë rendin ligjor,” tha në protestën në Bratislava kreu opozitar i SaS, Richard Sulik.
Edhe disa zyrtarë evropianë kishin kritikuar planet e ndryshimeve.
Zëdhënësja e Komisionit Evropian tha se organi i kishte kërkuar qeverisë sllovake të mos avanconte me ndryshimet, veçanërisht jo me procedurë të shpejtuar.
Organizatorët e protestës thanë se do të vijojnë veprimin e tyre edhe në ditët në vijim.
Top Channel
