Përshkallëzohet situata në Lindjen e Mesme/ Izraeli sulmon Bejrutin, Hezbollahu bazat ushtarake izraelite 17/11 09:59
Organizata Botërore e Shëndetësisë (OBSH) thotë se është e shqetësuar për përhapjen e sëmundjes në Gaza, pasi palestinezët e zhvendosur luftojnë për të mbijetuar në mes të bombardimeve të pamëshirshme të Izraelit në enklavën e rrethuar.
Përfaqësuesi i OBSH-së për Bregun Perëndimor dhe Gazën, Dr. Richard Peeperkorn, thotë se njerëzit e zhvendosur “po kërkojnë për çarçafë, për dru, për gjithçka”.
“Ne jemi vërtet të frikësuar për përhapjen e sëmundjeve infektive, sëmundjeve të shkaktuara nga uji”, thotë ai dhe e përshkruan situatën e ujit si tepër kritike kudo.
Spitali Al-Nasser në Khan Younis po strehon mijëra pacientë, thotë ai, edhe pse ka një kapacitet prej vetëm 350 pacientë.
“Reparti i traumës ishte një zonë lufte kur e vizituam”, thotë ai. “Shumë pacientë të traumës në dysheme, duke bërtitur të frikësuar dhe të shoqëruar nga anëtarët e familjes.”
Top Channel
