Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Ushtria izraelite ka deklaruar sot avionët luftarakë dhe helikopterët goditën objektivat në Rripin e Gazës gjatë natës, duke përfshirë boshtet e tunelit, qendrat e komandës dhe objektet e ruajtjes së armëve.
Militantët e Hamasit u shënjestruan dhe u vranë nga një dron i IDF që vepronte në drejtim të trupave tokësore.
Ushtria izraelite shtoi se trupat e saj detare kishin goditur objektivat e Hamasit, duke përfshirë infrastrukturën dhe anijet e Hamasit.
Forcat e Mbrojtjes së Izraelit kanë thënë më parë se kanë goditur më shumë se 400 objektiva në të gjithë Gazën në 24 orët e para armëpushimit njëjavor me Hamasin.
Izraeli do të vazhdojë operacionet tokësore në Gaza derisa të arrihen të gjitha qëllimet e tij, tha të shtunën kryeministri izraelit Benjamin Netanyahu. Synimet e Izraelit janë lirimi i pengjeve, çrrënjosja e Hamasit dhe parandalimi i një “regjimi terrori” në Gaza, tha Netanyahu. “Nuk ka mënyra të tjera për t’i arritur këto qëllime përveç fitores, dhe nuk ka asnjë mënyrë për të fituar përveç manovrimit në tokë,” shtoi ai.
Hamasi ka thënë se nuk do të ketë negociata apo shkëmbim të burgosurish me Izraelin derisa të ketë armëpushim në Gaza. Saleh Al-Arouri, nënkryetari i byrosë politike të Hamasit, tha të shtunën se “nuk ka negociata tani” dhe nuk do të ketë më shkëmbime të burgosurish “derisa agresioni terrorist sionist të përfundojë plotësisht”.
Top Channel
