“Dy-tre emra në Tiranë më kanë shkatërruar jetën”, Elton Ilirjani tregon bisedën me Parashqevinë: Këngëtarja viktimë e xhelozisë, Robertin e vlerëson 18/12 23:30
Ballist Morina, tifozi që bëri krenar shqiptarët, i ftuar në “Ftesë në 5”, tregoi se çfarë i tha nëna e tij pasi ngriti flamurin e ‘Shqipërisë së Madhe’, në mes të Beogradit.
“Supertifozi” i Kombëtares tregoi se çfarë i thanë prindërit e tij në kontaktin e parë pasi kishte ngritur dronin në ndeshjen mes Shqipërisë dhe Serbisë.
Morina tha se mamaja e tij u shqetësua shumë për të, nëse do të dilte i gjallë nga Serbia, ndërsa babai ishte më i qetë.
“At natë që ka ndodh rasti, pasi kam kaluar kufirin e Serbisë kam lajmëruar në shtëpi. Shqetësimi ishte se si do dilja. E dinin që do shkoja në Beograd si tifoz. Djemtë e axhës më kanë ndihmuar të krijoj flamurin dhe ata ishin në dijeni. Në moment që ka dalë flamuri janë hedh nga emocionet, dhe e kanë kuptuar që jam mbas kësaj ngjarje”, tha Morina.
Emocionuese është ajo që babai i tij i ka thënë gruas së tij.
“Plaku, që iu preftë shpirti në paqe, kishte thënë: ‘Edhe nëse s’do dali gjallë ia kam fal Shqiptarisë’. Nëna nuk është shumë e interesuar nga aspekti kombëtar dhe i intereson më shumë djali i saj. Plaku është i interesuar nga pjesa tjetër, jo që nuk më do, se kam pas një marrëdhënie të. Gjëja e parë që mka thënë nëna është konflikti që ka pas me burrin e vet, me babin tim”, tregon Ballist Morina.
Top Channel
