Reshje intensive dëbore kanë nisur këtë pasdite në Qafë Thanë.
Momentalisht, nuk paraqiten probleme me qarkullimin rrugor, edhe pse nga ana e policisë rrugore kërkohet përdorimi i gomave dimërore dhe kujdes i shtuar nga drejtuesit e automjeteve.
Krahas Qafë Thanës, janë zbardhur zonat malore të bashkive Korçë dhe Pogradec. Bora ka nisur edhe brenda qyteteve, por me intensitet shumë të ulët.
Deri tani, të gjitha akset rrugore janë të kalueshme pa zinxhirë, përveç aksit rrugor që të çon në Dardhë, ku është e detyrueshme vendosja e zinxhirëve, ndërsa firmat kontraktore janë duke punuar me borëpastrueset dhe duke hedhur kripë.
Top Channel
