Dhuna dhe të shtënat me armë në stadium pas mbylljes së ndeshjes, shkon në dy numri i viktimave 16/09 19:48
Historia mes Napolit dhe Kvaratskhelia do të vazhdojë për një kohë të gjatë. Pavarësisht zërave për interes të fortë nga Reali i Madridit, Bayerni dhe Barcelona, gjeorgjiani është i destinuar të qëndrojë nën Vezuv edhe për disa sezone të tjera.
Pippo Inzaghi foli për karrierën e tij të pasur në Serinë A, veçanërisht për përvojën me Milanin, në një intervistë për “Corriere della Sera”.
Fjalët e tij për Silvio Berlusconin: “Më mungon shumë. Por më mungojnë shumë njerëz nga ai Milan. Carlo Ancelotti, për shembull. Ai është një njeri inteligjent, njerëzor… Një here, për ditëlindjen time, që bie më 9 gusht, e la të lirë gjithë ekipin që ne të festonim. Unë po mbusha të tridhjetat: askush nuk e mendon kurrë, por tensioni për një futbollist rritet me moshën.”
Marrëdhënia e kuqezinjve me Laura Pausinin: “Laura është një mike e madhe. Kur, në vitin 2003, festuam fitoren e Superkupës së Evropës, të gjithë u gjendëm rreth një pianoje, ku ajo luante dhe unë, Galliani, Ambrosini dhe të tjerët duke kënduar këngët e saj. Shumë nga fitoret e mia janë u shoqëruan me mesazhe dashamirëse nga Laura”.
Vlerësimi për Gallianin: “Galliani është një person i veçantë, di të jetë inteligjent dhe largpamës. Ishte ai që më ofroi menjëherë rolin e trajnerit te të rinjtë e kuqezinjve pas lamtumirës sime si lojtar”.
Transferimi nga Juvja te Milani: “Galliani më telefonoi: “Pippo, kemi të bëjmë me pesë miliardë lira dhe nuk gjejmë zgjidhje.” Instinktivisht iu përgjigja: “Mos u shqetëso, i paguaj unë”. Do të kisha firmosur një kontratë pesëvjeçare dhe do të heqja dorë nga një miliard pagë për çdo sezon”./ Super Sport
Top Channel
