Zgjedhjet në Kosovë, ekspertët: Jo fitues absolut, pjesëmarrja e ulët mesazh për partitë 10/11 14:11
Janë mbi 5800 qytetarë serbë që gjatë vitit 2023 kanë marrë pasaportën e Republikës së Kosovës.
Në Leposaviq janë 557, në Zubin Potok janë 779, në Zveçan 586 dhe në Mitrovicë të Veriut mbi 3800.
Qëkur u mor vendimi për liberalizimin e vizave për Kosovën në fillim të këtij viti është shtuar interesimi i serbëve për tu pajisur me këtë dokument udhëtimi.
Megjithatë ka qytetarë që janë të pa interesuar për pasaportë e disa të tjerë e kanë.
“Tani sa isha dhe nuk ka. Nuk e kam nxjerrë pasaportën. Po me dëshirë do ta merrja po të kishim pak më shumë liri të lëvizjes në shtete të tjera.”
“Po kam pasaportë të Kosovës. E kam sepse edhe pensionin e kam këtu, lejen e qarkullimit dhe për këtë e kam edhe pasaportën.”
“Nuk e kam pasaportën pasi që nuk më është dashur. Nuk do ta marr. Për çfarë më duhet”, thanë qytetarët.
Ndërkohë në komunat veriore po vazhdon kampanja për njoftimin për rregullat për liberalizim, gjatë së martës në Leposaviq ishte edhe Ambasadori i Suedisë në Kosovë.
Sipas tij ngjarjet e Banjskës e kanë rritur interesimin e serbëve për institucionet e Kosovës.
“Pas Banjskës po shohim një trend që më shumë serbë të Kosovës po aplikojnë për pasaporta e targa dhe këtë duhet të vazhdojmë. Më 16 nëntor takohen kryenegociatorët në Bruksel dhe të punojnë. Ajo çfarë duhet është themelimi i Asociacionit dhe Serbia të bëjë njohjen de-facto të Kosovës”, tha Jonas Westerlund, Ambasador i Suedisë në Kosovë.
Ndërkohë, gjatë natës së të hënës në Leposaviq është djegur vetura e nënkryetares së kësaj komune, Dragana Miletiç. Ajo edhe në qershor ishte kërcënuar nga një person i cili më vonë ishte arrestuar.
Top Channel
Zgjedhjet në Kosovë, ekspertët: Jo fitues absolut, pjesëmarrja e ulët mesazh për partitë 
