“Ka një dramë e një komedi për mësuesin”, intervista e veçantë e Artan Fugës në “Top Story”: Kemi një “tradhti” të elitave 25/11 23:02
Kreshnik Hajdari do të vazhdojë punën si kryebashkiak i Kuçovës, pasi KQZ deklaroi se nuk ka arsye që t’i ndërpritet mandati.
Në mbledhjen e KQZ-së, kryekomisioneri Ilirjan Celibashi u shpreh se për sa kohë që dënimi nuk pengon subjektin të marrë detyrën, nuk e ka detyrim ta deklarojë në formularin e deklarimin.
“Subjekti duhet të tregojë shkaqet e ndalimit, nëse është ndaluar. Kur nuk ka shkaqe, subjekti nuk e ka detyrim të deklarojë çdo gjë tjetër që nuk përbën shkak ndalim për të marrë një funksion publik.
Subjekti, në formularin e vetëdeklarimit ka paraqitur disa të dhëna. Në gjykimin dhe në vlerësimin e tij, nuk ka paraqitur një të dhënë që lidhet me një vendim penal të zhvilluar ndaj tij në territorin e Greqisë.
Kjo e dhënë nuk e përfshin atë në kushtet e ndalimit, për shkak të veprës penale, për të cilën ai ka marrë dënimin përkatës. Nuk ka shkak që kryetarit të bashkisë Kuçovë t’i ndërpritet mandati”.
Sipas Prokurorisë, Hajdari rezulton që në 23 qershor të vitit 1999 është dënuar me vendim të formës së prerë nga Gjykata e Shkallës së parë të Janinës për hyrje në territorin grek pa leje. Shkresa erdhi si përgjigje për Komisionin Qendror të Zgjedhjeve për miratimin e rezultateve të verifikimit pasi KQZ e akuzon kryebashkiakun se ka falsifikuar formularin e vetëdeklarimit që ka të bëjë me të dhënat personale, duke mos deklaruar gjeneralitete të mëparshme. Kërkesën në KQZ e dorëzoi koalicioni “Bashkë Fitojmë”.
Nga verifikimet e Prokurorisë, gjithashtu konfirmuar nga ministria e Drejtësisë greke, Kreshnik Hajdari rezulton i bashkëgjykuar i mitur dhe është dënuar me “masa riedukuese e qortimit”. Sipas drejtësisë greke, i pandehuri në atë kohë me statusin punëtor, ka qenë i pranishëm në procesin gjyqësor.
Top Channel
