U tërbua në fund, Pochettino: Ndjesë arbitrit dhe Guardiolës, e teprova
13/11/2023 11:53
Sërish zjarr në ndërtesën e Institutit të Mjekësisë Ligjore në Kosovë 30/06 14:26
Chelsea dhe Manchester City dhuruan spektakël dhe emocione në “Stamford Bridge”.
Supersfida e Premier League përfundoi në barazim 4-4, me Armando Brojën që në shtesë fitoi një penallti për vendasit.
E cila u kthye në gol nga Palmer, i cili gjuajti saktë dhe evitoi humbjen e “Bluve të Londrës”. Mauricio Pochettino u tërbua në fund me kryesorin Taylor për faktin që vërshëlleu fundin e takimit në një moment kur skuadra e tij po sulmonte.
Trajneri i Chelseat protestoi gjatë kundër kryesorit, të cilit i kërkon ndjesë për veprimet e tij. Njësoj si edhe Pep Guardiolës për faktin që harroi ta përshëndeste në fund.
“Në atë moment e ndjeva se Sterling do të pasonte dhe ne mund të kishim gjetur golin e pestë. E pranoj, i kalova limitet. Kjo lloj sjelljeje nuk është një imazh i mirë për mua dhe për futbollin.
Dua t’i kërkoj falje edhe Guardiolës, sepse në ato momente nuk e vura re aspak”, deklaroi argjentinasi, ndjesë që është pranuar nga tekniku spanjoll i Manchester Cityt.
”Nuk ka asnjë problem, gjithçka është në rregull. Ka raste kur edhe unë kapem nga emocionet”, u shpreh Guardiola. /Supersport
Top Channel
