Lufta në Ukrainë/ Vendosën t’i bashkoheshin Rusisë, vriten mbi 100 ushtarë koreano-veriorë 19/12 09:16
Një politikan i lartë spanjoll është qëlluar me armë në fytyrë nga një sulmues në motoçikletë në një tentativë vrasjeje shokuese në mesin e Madrid.
Alejo Vidal-Quadras Roca, ish-kreu i Partisë së Popullit në Spanjë por me pas i larguar per te aleanca Vox, u zu në pritë nga sulmuesit në motoçikletë, njoftonte policia.
Megjithë atentatin shokues Alejo, i cili ka qenë europarlamentar dhe zv. president i PE, raportohet se është në gjendje të stabilizuar dhe i vetëdijshëm në spital .
Policia dhe mjekët shkuan sot me urgjencë në zonën e Salamanca pasditen e sotme pak para orës 14.00.
Hetuesit thanë se janë në kërkim të dy të dyshuarve që besohet se po prisnin Alejo për ta zënë në pritën e armatosur.
Politikani i lartë spanjoll besohet se është qëlluar nga afër, thuajse nga dy metra largësi.
E përditshmja El Pais shkruante se Aleja kishte pësuar një plagë arme në pjesën e nofullës.
78 vjeçari Alejo, ishte se fundmi kandidat kryesor i aleancës Vox – një grup konservator i themeluar në 2014 por pa fituar vende në parlament.
Atentati vjen në një kohë kur qeveria ka realizuar një marrëveshje me separatistët e rajonit të Katalonjës që e ndihmojnë atë të qëndrojë në pushtet, por që ka shkaktuar protesta në vend.
Hetimet vijojnë për rrethanat dhe motivin e incidentit.
Top Channel
