“Luajtja bixhoz me marrëdhëniet me aleatët nuk i bën nder Kosovës”, Presidentja Osmani ashpërson gjuhën ndaj Kurtit: Asnjëherë s’i kam kuptuar talljet ndaj partnerëve
21/11 12:00
Kosova ka progres të limituar në pothuajse të gjitha pikat që shqyrton Komisioni Evropian në raportin e progresit.
Për vendin sfidë vazhdon të jetë dialogu dhe kriza në pjesën veriore.
Kosova konsiderohet se është e angazhuar në procesin e dialogut, por raporti thotë se duhet të bëjë më shumë për të zbatuar të gjitha marrëveshjet bashkë me atë të normalizimit dhe aneksin e saj të nënshkruara këtë vit.
Raporti i vendit konstaton se qeveria ka vazhduar me agjendën ambicioze drejt Bashkimit Evropian. Raporti përgëzon Kosovën për politikën e jashtme. Angazhimi dhe përkushtimi i qeverisë është gjithnjë e më i madh, andaj vlerësojmë raportin për rritje. Kosova ka nevojë për mbështetje shtesë e jo për kushte dhe parakushte shtesë. Integrimi i përshpejtuar ekonomik përkon me përkushtimin tonë dhe progresion e arritur gjatë kësaj periudhe.
Krizat në katër komunat veriore që erdhën pas vendimit për targat e që u pasuan me bllokim të rrugëve, dorëheqjet e serbëve nga institucionet, mospjesëmarrja në zgjedhje, protestat e dhunshme dhe deri te “sulmi i dhunshëm i 24 shtatorit”, sikurse i referohet raporti sulmit terrorist janë indikatorë që Kosova duhet të marrë masa në këtë aspekt.
“Masat janë implementuar bazuar në deklaratën e 27 vendeve anëtare. Ka qenë një reagim ndaj zhvillimeve. Në fakt kjo deklaratë është mjaft specifike se ç’ka pritet nga Kosova dje fokusohet në deeskalim, zgjedhjet lokale në veri dhe e treta angazhimi në dialog, përfshirë themelimin e Asociacionit. Raporti e njeh që ka një progres të caktuar. Por raporti po ashtu thotë që ne duhet të shohim më shumë hap të tillë. Kosova qe të mund të gëzojë potencialin nga plani i ri i rritjes”, u shpreh ambasadori i BE-së në Kosovën, Tomas Szunyog.
Kosova është në një fazë të hershme të punës në sistemin e drejtësisë, luftën kundër korrupsionit dhe krimit të organizuar. Raporti thekson se vendi duhet të bëjë më shumë sa i përket mbrojtjen e të drejtave të njeriut, ndërkohë që është në nivel të përgatitjes së lirisë së shprehjes dhe menaxhimin e migrantëve.
Sa i përket kritereve ekonomike, Kosova ka bërë njëfarë progresi dhe është ndërmjet një faze të hershme dhe një niveli të përgatitjes për zhvillimin e një ekonomie tregu funksionale, thuhet në raportin e Progresit të Komisionit Evropian.
Top Channel
