“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Ish-kryeministri i Kosovës, Ramush Haradinaj ndodhet në Tiranë, ku është pritur nga kryeministri Edi Rama.
Haradinaj, në një postim në Facebook e ka quajtur vëllazëror takimin, ndërsa tha se u diskutua për zhvillimet dhe sfidat që po kalon Kosova.
“Sot në Tiranë një takim vëllazëror me Kryeministrin e Shqipërisë, Edi Rama. Diskutuam për zhvillimet që po kalon Kosova, Shqipëria dhe rajoni dhe për proceset që na presin, veçanërisht për sfidat e Kosovës në çështjet që kanë të bëjnë me dialogun, sigurinë dhe perspektivën e integrimeve euro-atlantike”, shkruan kryetari i AAK-së, në një postim në Facebook.
Ai gjithashtu shton se i ka kërkuar kryeministrit që në të gjitha nivelet e bisedave me faktorin ndërkombëtar e kombëtar të ndihmojë në tejkalimin e sfidave që i ka Kosova dhe të përshpejtojë integrimin e saj.
Për më tepër, Haradinaj e ka falenderuar pëzemërsisht për kujdesin e tij dhe të shqiptarëve ndaj Kosovës.
“I kërkova kryeministrit shqiptar që në të gjitha nivelet e bisedave me faktorin ndërkombëtar e kombëtar të ndihmojë në tejkalimin e sfidave që i ka Kosova dhe të përshpejtojë integrimin e saj. E falënderova përzemërsisht për kujdesin e tij dhe të Shqipërisë në këtë periudhë jo të lehtë që po kalon Kosova”, shton ai.
Top Channel
