Pushtimi rus, Ukraina ka humbur 40% të tokës që kontrollonte në rajonin Kursk të Rusisë 24/11 18:00
Pentagoni ka urdhëruar një grup të dytë sulmues aeroplanmbajtës të vendoset në Mesdheun lindor pranë Izraelit, në përpjekje për të penguar Iranin ose Hezbollahun të bashkohet në konfliktin Izrael-Hamas.
Sekretari i Mbrojtjes amerikane, Lloyd Austin, njoftoi se grupi sulmues i avionëve USS Eisenhower do të urdhërohet të operojë në Mesdheun lindor, për t’iu bashkuar grupit sulmues të avionëve që mbërritën në fillim të kësaj jave në ujërat ndërkombëtare jashtë Izraelit.
“Ky veprim vjen si pasojë e përpjekjeve tona për të penguar veprimet armiqësore kundër Izraelit ose çdo përpjekje drejt zgjerimit të kësaj lufte pas sulmit të Hamasit ndaj Izraelit”, deklaroi ai.
Zyrtarë të lartë amerikanë kanë raportuar publikisht se prania e grupit sulmues të avionëve USS Ford në Mesdheun lindor dhe shtimi i më shumë avionëve luftarakë të Forcave Ajrore të SHBA-së në rajon të njëjtin arsyetim për veprimet e marra.
Marrja e Eisenhower me Ford do të rrisë shfaqjen e forcës, ndërsa mesazhet për parandalimin e përshkallëzimit të situatës kanë qenë prezentë vazhdimisht.
Grupi goditës i Eisenhower u largua nga Norfolk të Virxhinias, një ditë më parë për të iu bashkuar grupit, ndërsa mbështetja e SHBA-së kundrejt Izraelit vijon të tregohet vazhdimisht.
Top Channel
