Një tjetër sulm nga forcat e Hamasit ndodhi në Re’ im në jug të Izraelit, ndërsa gazetari Artur Bibe po raporton nga fronti i luftës.
Në zonën ku ndodhet e ekipi i TCH u gjet një armë anti tankeve RPG e Hamasit, atlete të viktimave të sulmit apo predha armësh.
Aktualisht armëpushimi ka përfunduar dhe Izraeli po bëhet gati për ofensivën nga toka, ajri dhe deti.
Teksa kanë kaluar tetë ditë që nga nisja e sulmit të befasishëm nga militantët e Hamasit drejt Izraelit, e më pas fillimi i kundërsulmit të këtij të fundit, pritet që ushtria izraelite të sulmojë nga toka, ajri dhe deti.
Tashmë trupat kanë nisur të vendosen në kufirin me Rripin e Gazës, ku në dispozicion janë edhe 300 mijë rezervistë të thirrur nga qeveria.
Sulmet kanë vijuar edhe gjatë natës, teksa Izraeli ka goditur objektivat në të cilat pretendon se janë të vendosur militantët.
Korridori i evakuimit për banorët e Gazës po qëndron i hapur, megjithëse ka pretendime se Hamasi po i pengon të largohen nga vendi i tyre.
Izraeli ka paralajmëruar 1.1 milion palestinezë që jetojnë në veri të Gazës që të evakuohen drejt jugut, përpara nisjes së ofensivës.
Si pasojë e bombardimeve në Rripin e Gazës janë vrarë të paktën 2300 palestinezë, ndërsa dëmet mbeten të rënda. Që pas sulmit të befasishëm në Izrael, militantët e Hamasit kanë vrarë 1300 persona, ndërsa 126 persona dyshohet se janë marrë peng.
Top Channel
