Presidenti i Urdhrit të Mjekut i kërkon qytetarëve që të denoncojnë pranë këtij institucioni, i cili i licenson mjekët për rastet e keqtrajtimeve apo neglizhencës mjekësore.
Ai thekson se mjekësia nuk është matematikë dhe humbje jete ka edhe për shkak të sistemeve që kemi ngritur. Ndonëse ka hequr vetëm tre licenca, Presidenti i Urdhrit hodhi dyshimet e tij në lidhje me dënimet që gjykatat japin ndaj mjekëve kur ka neglizhencë mjekësore, për shkak të korrupsionit.
“Nuk ka spital që të mos ketë vdekje. Problemi është i neglizhencës mjekësore për të korrigjuar termin që përdoret të gabimit mjekësor .Nuk është gjithmonë gabimi mjekësor faji i mjekut. E përsëris, mjekësia nuk është matematikë”, thotë Presidenti i Urdhrit të Mjekut, Fatmir Brahimaj.
I pyetur në sa ka raste që ka ndëshkuar me gjobë apo ka hequr licensën, doktori përgjigjet:
“Në përgjithësi denoncimi tek ne është i pakët. Nuk është i nivelit të duhur sepse njerëzit shkojnë akoma në institucione publike qendrore sikurse janë ministria apo kryeministria dhe gjykatat sepse kanë njëfarë egërsie ndaj personelit ku kërkojnë që mjekët të marrin dënime maksimale ose nisen nga fakti që mjekët do të mbrojnë mjekët dhe nuk do të dënojnë njëri- tjetrin”.
Pacientët ndihen të pambrojtur dhe këtë pretendojnë që mjekët mbrojnë njëri -tjetrin dhe faji mbetet jetim
“Është një alternativë e mirë gjykimi profesional që bëhet nga ne sepse mjeku nuk mund të fshehë dot mjekun siç mund të bëjë më një jurist apo me një gjyqtar sepse mjeku nuk ka si të mbulojë hilet. Pas gjykimit profesional që bëhet në shkallë të parë në rreth më pas në këshill kombëtar, ku përcaktohen nga vërejtje, gjoba deri heqje të licencës”.
Top Channel
