Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Presidentja e Komisionit Evropian Ursula von der Leyen tha se sulmi i kryer nga grupi militant Hamas kundër civilëve në Izrael ishte një “akt terrori” dhe pasqyronte “një të keqe të lashtë”.
“Në agimin e Shabatit, të shtunën e kaluar, e gjithë bota u zgjua nga tmerri. Qindra njerëz të pafajshëm u vranë me gjakftohtësi,” tha von der Leyen të mërkurën në takimin javor të komisionerëve evropianë në Bruksel.
I ftuar në takim ishte ambasadori i Izraelit në BE dhe NATO, Haim Regev. “Terroristët e Hamasit vranë gra dhe fëmijë në shtëpitë e tyre,” tha ajo.
“Këta të pafajshëm u vranë për një arsye të vetme. Për të qenë hebrenj dhe duke jetuar në shtetin e Izraelit. Është një e keqe e lashtë, e cila na kujton të kaluarën më të errët dhe na trondit të gjithëve deri në palcë,” tha ai, duke theksuar se “ne duhet të jemi të qartë në përcaktimin e këtij lloji tmerri. Është terrorizëm dhe është një akt lufte.”
BE-ja duhej të sqaronte të hënën se pagesat e ndihmës për palestinezët nuk do të pezullohen në dritën e sulmit të Hamasit ndaj Izraelit, pasi një nga zyrtarët e saj kishte thënë se ndihma do të ndërpritet.
“Ndërsa unë dënoj fuqishëm sulmin terrorist të kryer nga Hamasi, është e domosdoshme të mbrohen civilët dhe të respektohet ligji ndërkombëtar humanitar,” tha të hënën Janez Lenarc, Komisioneri Evropian për Menaxhimin e Krizave.
Von der Leyen konfirmoi këtë të mërkurë, duke thënë se mbështetja humanitare e BE-së për popullin palestinez “nuk është në pikëpyetje”. Ajo theksoi se BE-ja ka rishikuar ndihmën e saj financiare për Palestinën, mes shqetësimeve se ndihma mund të ndihmojë në financimin e Hamasit.
“Financimi i BE-së nuk ka shkuar dhe nuk do të shkojë kurrë për Hamasin apo ndonjë entitet terrorist. Kështu që ne tani do të rishikojmë përsëri të gjithë portofolin në dritën e një situate në zhvillim në terren,” tha ajo.
Top Channel
