Forcat izraelite sulmojnë një shkollë në Gaza, 15 palestinezë të vdekur dhe dhjetëra të plagosur 26/11 21:11
Ministri i jashtëm Nabil Ammar tha per BE mes të tjerash se “ne nuk nisim luftëra, dhe nuk fusim njerëzimin në botën e luftës siç bëni ju”.
Vendi afrikano-verior akuzon Brukselin se ka shkelur paktin e kontestuar për emigracionin mes të dyjave prandaj ka kthyer fondet e dhëna në kuadër të marrëveshjes.
Një zëdhënës i Komisionit Evropian konfirmonte për rrjetin Politico kthimin e buxhetit prej €60 milionë që ishte dhënë muajin që shkoi.
Zhvillimi është një goditje për paktin e emigracionin të nënshkruar në korrik me Tunizinë, që ka si qëllim uljen e fluksit të emigrantëve të ardhur prej saj në Evropë.
Shenja e pakënaqësisë e Tunizisë ndaj KE duket se ka të bëjë me masën e vogël të fondeve në krahasim me ato që ishin premtuar.
Marrëdhëniet mes të dyjave janë ftohur prej verës për çështjen e fondeve që arrijnë në një total prej €255 milionë, ndersa kjo besohet se ishte pagesa e parë e bërë nga BE.
Qeveria tuniziane thotë se €60 milionët e paguara nga BE ishin parashikuar që në planin e rekuperimit pas pandemisë, të cilat nuk ishin disbursuar kurrë.
Ministri i jashtëm Nabil Ammar kritikonte dje BE duke u justifikuar mes të tjerash se “ne nuk nisim luftëra, dhe nuk fusim njerëzimin në botën e luftës siç bëni ju”.
Ai shtonte se €60 milionët ishin kthyer më 9 tetor.
Zhvillimi vjen gjithashtu pasi komisioneri Olivér Várhelyi kishte sfiduar disa ditë më parë Tunizinë për të “kthyer fondet nëse nuk ishte e kënaqur me pagesat”.
Megjithse ai duket se e kishte thënë në mënyrë figurative, vendi e realizoi konkretisht kthimin.
Zëdhënësi evropian shtonte sot se zhvillimi i fundit “nuk e ndryshon faktin që BE do të vazhdojë të punojnë për emigracionin me Tunizinë”.
Top Channel
