BE-ja ka paralajmëruar Elon Musk se rrjeti social X po përdoret për të përhapur “dezinformata” pas sulmit të Hamasit ndaj Izraelit.
Në një postim në platformën e njohur më parë si Twitter, shefi i industrisë së bllokut tha se “përmbajtja e dhunshme dhe terroriste” nuk ishte fshirë nga platforma, pavarësisht paralajmërimeve – siç kërkohet nga ligji i BE-së.
Musk tha se kompania e tij kishte ndërmarrë veprime, duke përfshirë heqjen e llogarive të sapokrijuara të lidhura me Hamasin. Ai i kërkoi BE-së të listojë shkeljet e supozuara.
Thierry Breton, komisionari për Tregun e Brendshëm të Bashkimit Evropian, nuk dha detaje mbi dezinformimin që ai po i referohej në letrën e tij drejtuar zotit Musk. Megjithatë, ai tha se raste të “imazheve dhe fakteve të rreme dhe të manipuluara” u raportuan gjerësisht në platformën e mediave sociale.
Në përgjigjen e tij në X, Musk tha: “Politika jonë është që gjithçka të jetë e hapur dhe transparente, një qasje që unë e di që BE e mbështet. Ju lutemi renditni shkeljet për të cilat aludoni se janë bërë në X, në mënyrë që publiku t’i shohë ato.”
Top Channel
