“Me mend në kokë kur të firmosni”, mesazhi i fuqishëm i 74-vjeçarit, një nga të dënuarit për aferën e inceneratorit të Elbasanit

Menjëherë pasi u dënua për shpërdorim detyre me një vit e katër muaj, për shkak të një firme, ai dha mesazhe për çdo nëpunës të shtetit.

Ai shprehet se nuk do ta çojë çështjen në Apel, edhe pse ka qëndruar dy muaj më shumë në arrest shtëpie, bazuar në vendimin e sotëm të gjykatës.

Papa: 47 vjet, kam qenë inxhinier pastaj kam qenë përgjegjës i repartit të mirëmbajtjes në zonën e Kukësit, pastaj në Institutin e Metalurgjisë, kam qenë shef i kabinetit për projektimin e makinerive të kombinatit metalurgjik.

Hoxha: Prisje të dilje në pension apo ke dalë?

Papa: Unë kam dalë në pension.

Hoxha: Çfarë more nga shteti yt?

Papa: Unë nga shteti mora një dënim që i bie dy e vjet, me 1/3 i bie 1.4 vjet, që i thonë 16 muaj, unë në arrest shtëpie kam 18 muaj, me një fjalë duhet t’i kërkoj shteti dy muaj, ia kam fal shtetit ato dy muaj.

Hoxha: Nuk do të kërkosh?

Papa: Jo, çfarë do më duhet? Ja dola i pafajshëm, do të bëj biografi, unë jam 74 vjeç.

Hoxha: Do të shkosh në Apel?

Papa: Jo, për çfarë të shkoj? Të kërkoj pafajësinë? Çfarë më duhet pafajësia. Unë ndihem i pafajshëm, atë e di gjithë qyteti i Elbasanit.

Hoxha: A ju jep një apel të gjithë nëpunësve?

Papa: Të gjithë, si në qeveri, ministri apo bashki krijohen komisione për vlerësimin e ofertave për tendera të ndryshëm që bëhen. Unë rekomandoj të gjithë nëpunësve që kur të firmosin të jenë me mend në kokë mos të veprojnë në kundërshtim me rregullat që ka shteti. Unë kam firmos e vërtetë është, ditën e fundit pasi mbaroi komisioni afatin që kishte. Unë kam firmos tek draft kontrata dhe tek studimi i fizibilitetit, në këto dokumente studimi nuk mund të bëhej në atë komision, për të bërë një studim fizibiliteti duhen shumë procedura, jo një paçavure që na dhanë ne.

Hoxha: U zhgënjeve nga vendimi?

Papa: Drejtësia është drejtësi nuk mund ta gjykoj vendimin e zonjave të shkallës së parë, ashtu e kanë gjykuar.

Top Channel