Deklarata e fortë e Rusisë: Vendimi i Biden për Ukrainën mund të çojë në Luftën e Tretë Botërore 17/11 22:16
Pallati i Buckinghamit “u pushtua” sot nga një grup antimonarkistë që u paraqitën si turistë që të lejoheshin që të hynin. Ata u rreshtuan veshën secili nga një bluzë që mbante një shkronjë dhe kur u rreshtuan lexohej qartë shprehja: “JO MBRETI IM”
Grupi, pozoi për një foto brenda pallatit, para se të pikaseshin nga rojat e sigurisë.
“Ky është një moment fantastik për republikanët në mbarë vendin, me një grup qytetarësh normalë që ngrihen për demokracinë në shtëpinë e Monarkisë,” shkruan ata mbi fotografinë që e shpërndanë më pas në X, dikur Twiter.
Postimi i tyre ngjalli reagime të shumta, ndërsa disa shkruanin mesazhe mbështetjeje, shumë nga komentet u kthyen kundër protestës së grupit.
“Ai është mbreti juaj megjithatë”
“E pëlqeni ose jo atë ju do ta njihni si mbretin tuaj. Ky është ligji i vendit.” ishin disa nga komentet kundër.
Duke folur për “Republic”, antimonarkisti Graham Smith tha sot:
“Kjo është protesta e parë kundër monarkisë brenda Pallatit Buckingham. Një deklaratë fantastike qytetare që ngrihet në shtëpinë e monarkisë për të deklaruar kundërshtimin e tyre ndaj pushtetit trashëgues. Charles nuk është një monark i paprekshëm, ai nuk është imun ndaj kritikave dhe nuk gëzon respektin që mbronte monarkinë ndërsa nëna e tij ishte në fron. Charles nuk është një figurë unifikuese, ai është një hipokrit për mjedisin, ai ka pyetje për t’iu përgjigjur në lidhje me paratë e gatshme për nderime dhe donacionet e dyshimta nga Katari dhe ai nuk ka lidhje me shqetësimet e njerëzve të zakonshëm që luftojnë me krizën e kostos së jetesës. Jam krenar për aktivistët tanë vendas që u mblodhën sot për të mbajtur këtë qëndrim. Fushatat tona lokale po zgjerohen me shpejtësi.”
Grupi po bën thirrje që monarkia të zëvendësohet me një kryetar të zgjedhur të shtetit.
Sigurimi ndaloi gjashtë nga të përfshirët në këtë protestë, përpara se të tjerët të përcilleshin nga porta e përparme.
Top Channel
