Zjarrvënësit ia hedhin, prokurorët shpjegojnë arsyet
21/09/2023 19:51
Dyshohet se ekzekutoi djalin e xhaxhait në Selenicë, kapet pas 5 orësh arrati Bertil Alliaj 02/11 01:36
22 raste të zjarrvënies së qëllimshme ka patur në Elbasan gjatë viteve 2022 dhe 2023.
15 persona janë hetuar në gjendje të lirë dhe aktualisht ndaj njërit është vendosur masa e sigurisë ‘arrest me burg’.
Por, edhe pse Kodi Penal parashikon dënime të rënda për veprën penale “dëmtimi i pronës me zjarr’” askush nuk është dënuar.
“Kemi mungesë ekspertësh sa i përket pyjeve, sidomos zonave të mbrojtura. I kemi kryer të gjitha veprimet e mundshme. Nga regjistri, rezulton se në tre raste është kërkuar detyrim paraqitje“, shpjegon Xhelian Seferi, zëvendës drejtues në Prokurorinë Elbasan.
Shkatërrimi i pronës me zjarr me dashje dënohet me gjobë ose me burgim i cili në bazë të pasojave dënohet me 5-20 vite burg. Por vlerësuesit e specializuar mungojnë.
“Mungesa e ekspertëve të fushës, veprat penale lidhur me zonat e mbrojtura, të cilave u vihet zjarr, kërkojnë ekspertë të fushës, që mungojnë në qarkun e Elbasanit“, thotë Seferi.
Por dëmtimi i pronës me zjarr edhe padashje është i dënueshëm me gjobë, por edhe me burgim deri në 3 vite.
Top Channel
