Një aksident ka ndodhur paraditen e sotme në rrugën e Arbrit në afërsi të Baypassit Qafë Murriz.
Siç shihet edhe nga pamjet makina ka përfunduar në kanal, ku fatmirësisht drejtuesi i automjetit dhe pasagjeri janë jashtë rrezikut për jetën.
Aksidenti fillimisht është pikasur nga drejtuesit e tjerë të automjeteve të cilët kanë lajmëruar policinë dhe ambulancën.
Ndërkohë policia lokale e Matit ka nisur hetimet rreth këtij aksidenti. Sipas policisë shkak i aksidentit ka qenë shpejtësia e madhe e drejtuesit të automjetit ku dhe ka humbur kontrollin.
Shpesh herë në segmentin e rrugës Qafë e Buallit-Qafë Murriz ka pasur aksidente për shkak të shpejtësisë.
Top Channel
