Rreth 300 kilogram kanabis janë gjetur brenda një kamioni, që do të kalonte kufirin nga Shqipëria drejt Malit të Zi.
Kamioni tip “Renault”, i drejtuar nga shtetasi nga Durrësi K. O. që shoqërohej nga babai i tij, ishte i ngarkuar me dërrasa dhe me paleta që kishin destinacion Austrinë.
Por, gjatë kontrollit të kryer gjatë natës, në mjet u gjet sasia e madhe e lëndës narkotike dhe mjeti u bllokua. Nuk dihet burimi i lëndës narkotike, ndërkohë që ka nisur hetimi për ngjarjen.
Kontrollet për ndalimin e prodhimit dhe shitjes së lëndëve narkotike janë shtuar gjatë javëve të fundit në vendin tonë. Vetëm pak ditë më parë, në disa qytete, u organizua operacioni “Tempulli”, ku në pranga ranë 233 persona që shisnin drogë pranë shkollave.
Top Channel
