VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
AF Elbasani ia del të sigurojë fitoren e parë sezonale në minutën e nëntë shtesë. Verdheblutë mposhtën 3-2 Vorën në javën e dytë të Kategorisë së Parë.
Takim që prodhoi emocione, teksa të dyja skuadrat e mbyllën me nga dhjetë futbollistë. Të parët kaluan në avantazh miqtë falë golit të Eridon Qardakut, por skuadra e Nevil Dedes reagoi dhe përmbysi rezultatin në fundin e pjesës së parë.
Fale penalltisë së Bruno Telushit dhe realizimit të Arsen Lleshi. Qardaku shënoi sërish pas një ore lojë, me penallti.
Më pas radha e kartonëve të kuq. Armando Rami la vendasit me një lojtar më pak, ndërkohë që forcat u barazuan pesë minuta më vonë. Pas të kuqit të Orjan Xhemalajt.
AF Elbasani fitoi një tjetër penallti në sekondat e fundit, të cilën e ktheu në gol Abaz Karakaçi, duke ndezur festën e “Tigrave” në shkallët e stadiumit.
Top Channel
