“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Për herë të parë 26 ministra të punëve të Brendshme nga BE me ftesë të qeverisë shqiptarë janë ulur në Tiranë në të njëjtën tavolinë në një ministetrial në kuadër të procesit të Berlinit.
Menaxhimi i Integruar të Kufijve, Bashkëpunimi Rajonal në luftën kundër krimit të organizuar dhe Partneriteti për krimin kibernetik në Ballkanin Perëndimor janë çështjet kryesore të diskutuara.
Megjithëse shifrat e azil kërkimit të shqiptarëve në vendet e BE sipas Eurostat, vitet e fundit ka pësuar ulje edhe në këtë ministerial, problematikat e azil kërkimit dhe emigracioni ilegal drejt BE shikohet me prioritet.
Megjithëse Anglia doli nga BE, është pjesëmarrëse në Procesin e Berlinit. Ministri më i interesuar në këtë ministerial të Tiranës, është ai anglez i emigracionit Robert Jenrick i cili mbërriti edhe i pari.
Ardhja e tij në Tiranë ka prodhuar kryeartikuj në median angleze duke theksuar shpejtësinë e dëbimit të shqiptarëve, por asnjë fjalë nga kërkesa e qeverisë shqiptare një ditë më parë, për shtimin e numrit të vizave sezonale të punësimit në ndërtim e bujqësi për shqiptarët.
Si pjesë e Procesit të Berlin në ministerial Kosova u përfaqësua nga ministri punëve të brendshme Xhelal Zvecla.
Në emër të qeverisë shqiptare në çelje të samitit ministri Taulant Balla u shpreh se vendi ynë tashmë është prekur nga vala emigrantëve të cilët tentojnë të shkojnë drejt vendeve të BE-s.
“Thirrje për BE-në të punojë më tepër për sigurimin e kufijve dhe forcimin e sistemit të emigracionit. Shqipëria është prekur nga flukset emigratore. Në 2022, janë ndaluar 8835 emigrantë të paligjshëm në vendin tonë. Ka rritje të numrave edhe ne 2023. Ju inkurajoj të kemi një shkëmbim më efektiv të informacioneve.
Shqipëria është dëshmitare e sulmeve të tmerrshme kibernetike. Falënderoj partnerët për ndihmën e tyre të menjëhershme. Është koha për të forcuar linjat e komunikimit”- tha Balla.
Top Channel
