“Në shtëpinë tonë”/ Nis nga e hëna programi i ri në Top Channel

Një emision i cili ka në fokus jetesën e shëndetshme, këndin e kuzhinës, por edhe të ftuar special të cilët herë pas herë do të jenë pjesë e mëngjeseve tuaja në një tjetër spektër, atë të familjes.

“Çfarë s’do shihni për dy orë në ekranin e Top Channel. Programi “Në shtëpinë tonë i cili është i dedikuar tërësisht ushqimit dhe mirëqenies, është i vetmi program në Shqipëri i cili i dedikohet edukimit të konsumatorit, edukimit të familjarëve mbi ushqimin, mbi mënyrën se si duhet të konsumojnë ushqime të ndryshme apo për të mësuar disa sekrete që mbase nuk i kemi ditur. Është një program i cili është bërë me shumë dashuri, edhe kur ka qenë më përpara në Top Channel, se nuk duhet harruar fakti që po rivitalizohet.”-shprehet Alban Musa.

Nën shoqërinë e  Alban Musa i cili rikthehet në shtëpinë e tij të vjetër Top Channel, dhe Julka Gramo ky program premton të sjell më shumë ngrohtësi në shtëpitë tuaja.

“Rikthehem  pas më shumë se 7 vitesh në këtë ekran, dhe fati e deshi që të kthehesha me të njëjtin program që un e kam nisur këtu, ketë herë edhe si autor dhe është privilegj t’i flasësh publikut përmes këtij ekrani“-shton Musa.

“Kemi kohë që po bëjmë prova edhe ndihem shumë komode si në Shtëpinë time, kështu që jemi një përputhje shumë e mirë, e imja e stafit, e të gjithë atmosferës, edhe gjitha formulës që përçon ky program“-shprehet Julka Gramo.

A do ketë piper vetëm në gatimet e zonjës Linda apo edhe në bisedat me të ftuarit në studio?

“Do ketë tek të ftuarit por edhe midis nesh kam përshtypjen se kemi disa dinamika shumë interesante  mes njëri tjetrit të cilat i kemi zbuluar gjatë këtyre provave, ashtu që surprizat janë të garantuara”-thotë Julka.

Një program plot gjallëri, dedikuar familjes, recetave të mrekullueshme, dhe këshillave të dobishme se si të jetoni më mirë jetën tuaj, pritet të shtojnë, informacionin, kulturën dhe shijen në shtëpitë tuaja.

Top Channel