“Në Kuadër të Dashurisë” tani në kanalin e Youtube në Top Channel, mos e humbisni! 25/12 21:00
Në fundjavën e hapjes (22-23 korrik), “Barbie” fitoi 356 milionë dollarë në mbarë botën, ndërsa 24 ditë më vonë filmi vazhdon me fitimet që tashmë kanë kaluar 1 miliard dollarë në mbarë botën.
Kukulla më e famshme në botë – dhe padyshim më e diskutueshme – arriti në pak javë të kthehet në një trofe për kompaninë e prodhimit Warner Bros, për Margot Robbie dhe Ryan Gosling.
Nuk janë vetëm versionet e ndryshme të kukullës Barbie që po shiten me një ritëm edhe më të shpejtë se më parë – shifrat thonë se vetëm në Britaninë e Madhe në vitin 2022 shiten 6 kukulla çdo minutë – por çdo gjë e lyer rozë po shitet sikur nuk ka më nesër.
Sigurisht, është e rëndësishme të mbani mend se nuk po flasim për çdo lloj roze, por për Barbie Pink tashmë ikonike, e cila, sipas sistemit të pranuar botërisht Pantone, përbëhet nga 87,84% ngjyrë të kuqe, 12,94% jeshile dhe 54,12% blu.
Ngjyra rozë është kudo: në rroba dhe aksesorë të zinxhirëve të mëdhenj të modës së shpejtë, në këpucë dhe bizhuteri, në kozmetikë dhe produkte të kujdesit personal, në lojëra video, në sende shtëpiake, madje edhe në ushqim.
Në lojën e marketingut, sigurisht që merr pjesë edhe Airbnb, përmes së cilës mund të marrësh me qira shtëpinë e Barbie dhe të jetosh një shtëpi kukullash dy ditë në Malibu.
Top Channel
