Sport Të Fundit

Juventusi, konkurrencë me Manchester United për mesfushorin e Fiorentinës

10/08/2023 10:11

Për futbollistin e Fiorentinës, Amrabat, nuk po interesohet vetëm Manchester United (në ditët në vijim mund të bëjë një ofertë zyrtare).

Sipas asaj medieve italiane, mesfushori maroken pëlqehet shumë edhe nga Juventusi. Drejtuesit e “Zonjës së Vjetër” pritet të trokasin së shpejti në dyert e klubit vjollcë, siç kanë bërë shpesh kohët e fundit (për Chiesan apo Vlahovicin).

Bardhezinjtë mund të ofrojnë para “cash” por edhe kartonin e një futbollisti për të bindur Fiorentinën. Blerja e Amrabatit nga nuk mund të përjashtohet, por nisur nga koha e paktë në dispozicion, mbetet një operacion kompleks.

Në fakt, Manchester United mbetet skuadra e preferuar për momentin. Mirëpo “Djajtë e Kuq”, pas nënshkrimeve të Onanës dhe Hojlund, duhet të shesin për të siguruar para dhe kandidati kryesor për t’u larguar nga “Old Trafford”, përpara se të nisë sulmin ndaj mesfushorit të Fiorentinës është braziliani Fred, i kërkuar nga Fulhami.

Top Channel