Mijëra fansa i dhanë lamtumirën e fundit artistes Sinead O’Connor, duke dalë nëpër rrugë dhe kënduar “Nothing Compares 2 U”.
Jeta e yllit të muzikës u festua në një ceremoni private përpara se kortezhi i funeralit të kalonte pranë shtëpisë së saj të mëparshme në Bray, Co Wicklow, Irlandë , në mënyrë që fansat të mund t’i jepnin lamtumirën.
Teksa makina e varrimit që mbante arkivolin e O’Connor udhëtoi përgjatë bregut të detit, fansat duartrokitën dhe brohoritën, duke hedhur lule në makinë, ndërsa muzika e saj luhej nga një furgon kampi i dekoruar me flamurin e Krenarisë dhe flamurin Rastafarian.
Presidenti i Irlandës Michael Higgins dhe Taoiseach Leo Varadkar ishin të pranishëm së bashku me Bono dhe Geldof në ceremoninë private.
Lutjet në ceremoninë mortore u drejtuan nga Shejh Dr Umar Al-Kadri, një dijetar islamik dhe kryeimam në Qendrën Islamike të Irlandës; ai u takua për herë të parë me yllin në vitin 2018, vit kur ajo njoftoi se ishte konvertuar në Islam.
Ajo vazhdoi të performonte dhe të regjistronte si Sinead O’Connor, por kishte ndryshuar emrin e saj në Shuhada’ Sadaqat.
“Sa më shumë ajo këndonte dhe fliste për dhimbjen e saj, si dhe për mëkatet e përhapura në shoqëri, aq më shumë zëri dhe fjalët e saj preknin dëgjuesit dhe zemrat e tyre”, tha Dr Umar Al-Qadri gjatë fjalës së tij.
“Unë e di se popujt e të gjitha besimeve në mbarë botën do të luten për këtë vajzë të dashur të Irlandës, mes tyre do të jenë myslimanë të panumërt që do të luten për motrën e tyre në besim dhe njerëzim.Zëri i Sinead-it mbartte me vete shpresë, për të gjetur rrugën për në shtëpi. Populli irlandez ka gjetur prej kohësh ngushëllim në këngë nga vuajtjet e këtij vendbanimi të ulët, dhe Sinead nuk ishte përjashtim, dhe duke ndarë atë ngushëllim, ajo i solli gëzim njerëz të panumërt në mbarë botën”.
Fansat e saj filluan të mblidheshin në Bray herët të martën në mëngjes për të pritur që kortezhi i funeralit të O’Connor të kalonte.
Ndërsa ndaloi jashtë Montebello, e cila ishte shtëpia e saj prej 15 vitesh, fansat duartrokitën dhe hodhën lule, ndërsa disa lanë shënime të shkruara me dorë duke falënderuar yllin për ndarjen e muzikës së saj.
Një shenjë e mbetur në murin e pronës listonte kauzat për të cilat këngëtarja kishte shprehur mbështetje, duke përfshirë mirëpritjen e refugjatëve.
“Aty ku fjalët dështojnë, muzika flet”, shkruhej në të.
Që nga vdekja e O’Connor, njerëzit kanë lënë lule dhe kanë bërë nderime në shtëpinë, të cilën këngëtarja e shiti në vitin 2021 dhe tani është bosh.
Artistja 56-vjeçare, fituese e Grammy-t, u gjet e vdekur në shtëpinë e saj në Londrën juglindore më 26 korrik.
Top Channel
