Vijojnë diskutimet për armëpushim mes Izraelit dhe Gazës në Doha, zyrtarët palestinezë: Bisedimet janë 90% të përfunduara 25/12 22:52
Të paktën nëntë persona me aftësi të kufizuara kanë humbur jetën pasi ndërtesa ku po qëndronin me pushime u përfshi nga flakët, megjithëse numri pritet të rritet pasi ende ka të zhdukur.
Sekretari i përgjithshëm i zonës deklaroi se të zhdukurit ndodheshin në ndërtesën e djegur dhe nuk kishin mundur të shpëtonin.
Menjëherë pas njoftimit të autoriteteve në orët e para të mëngjesit, zjarrfikësit mbërritën në vendin e ngjarjes ku vijuan menjëherë punën, duke arritur të evakuojnë shtatëmbëdhjetë persona.
Autoritetet konfirmuan se gjithsej 28 persona kishin qenë brenda në atë momentin e përhapjes së flakëve. Presidentin Emmanuel Macron e përshkroi katastrofën si një tragjedi.
Njerëzit në katin e parë ishin në gjendje të largoheshin shpejt nga ambientet, por të tjerët nuk e kanë pasur të mundur. Ndërtesa tradicionale gjysmë-druri, është dëmtuar rëndë nga zjarri, ndërsa e gjithë zona u mbush me tym.
Ende nuk ka një shkak për rënien e zjarrit, ndërsa kanë nisur menjëherë hetimet nga prokurorët rajonalë.
Top Channel
