![](https://top-channel.tv/wp-content/uploads/2024/09/fa-hh-442x249.png)
Këngëtarja e njohur irlandeze Sinéad O’Connor ka vdekur dje në moshën 56 vjeçare.
Familja e saj tha në një deklaratë : “Me trishtim të madh njoftojmë se e dashura jonë Sinéad ka ndërruar jetë. Famijarët e miqtë e saj të tronditur kërkojnë privatësi në këtë kohë të vështirë”.
O’Connor po kujtohet gjerësisht tashmë si për muzikën e saj ashtu dhe momentet e kontestuara apo deklaratat rebele që kryente rregullisht në prononcimet e saj.
Gjatë një shfaqjeje në programin Saturday Night Live në vitin 1992 në New York, këngëtarja e hitit ‘Nothing Compares 2 U’ grisi një foto të Papës Gjon Pauli II, duke u rekomanduar njerëzve ‘të luftojnë armikun e vërtetë’.
NBC e përjashtoi menjëherë O’Connor nga programet e saj, ndërsa jashtë studios në Manhattan njerëzit brohorisnin kundër këngëtares.
O’Connor tha se kishte grisur foton në protestë të abuzimeve seksuale me fëmijë të Kishës Katolike, kreu i të cilës është Papa.
Thirty years later and this remarkable moment has lost none of its power. Sinéad was protesting the covering up of sex crimes by the Catholic Church. Imagine the courage it took to do this live on US television. And she was right. All along, she was right. pic.twitter.com/WbUmRBBLRW
— Barry Malone (@malonebarry) July 26, 2023
Në librin e saj të kujtimeve në 2021, O’Connor hynte dhe më thellë në detaje.
“Unë kisha dashur të grisja foton e Papës që mbante nëna ime, sepse ai përfaqëson gënjeshtra, gënjeshtarë dhe abuzues.”
O’Connor shkruan në libër se kishte shkuar në shtëpinë e nënës së saj pas vdekjes dhe kishte hequr nga muri një foto të varur aty, që ishte e Papës Gjon Pauli II.
“Nuk e dija se si apo ku do ta shkatërroja, por do ta bëja kur të vinte momenti duhur. Dhe duke pasur këtë në mendje e merrja kudo që shkoja për të jetuar atëherë, sepse askujt nuk i ra ndërmend për fëmijët e abuzuar të Irlandës”, shkruante ajo.
Nëna e këngëtares vdiq në një aksident automobilistik në 1985 dhe kohët e fundit O’Connor ka folur për marrëdhënien e vështirë që kishte me të, e cila e rrihte kur ishte fëmijë.
“Nëna ime ishte një grua shumë e dhunshme, nuk ishte e shëndetshme. Dhe shkaku i këtij abuzimi ndaj meje është efekti i veprimeve të Kishës Katolike në Irlandë. Këto kishin prodhuar dhe nënën time”.
“Këto ishin kushtet shoqërore ku ishte rritur nëna ime. Unë e krahasoj Irlandën me një fëmijë të abuzuar.”
Vdekja e O’Connor vjen 18 muaj pas vetëvrasjes së të birit të saj 17-vjeçar Shane, nga e cila ajo thoshte se “nuk arriti ta merrte veten”.
Top Channel