‘Udhëtim në kohë’ apo trillim? Video tregon gazetarin e vitit 1980 që gjen një iPhone dhe beson se është ‘pasqyrë’ (fotot)
05/11 16:23
Në një spektakël të rrallë akrobacie, dhitë alpine Ibex shihen shpesh duke u ngjitur në këtë digë thuajse vertikale të liqenit Cingino në veri të Italisë.
Arsyeja për rrezikun që ato ndërmarrin është e thjeshtë, dhitë kerkojnë kripërat që i mungojnë dietës së tyre herbivore (vegjetarianë).
Fermerët zakonisht u japin vetë bagëtive të tyre kripërat bashkë me ushqimet, kurse ato të egra duhet t’i gjejnë vetë kripërat.
Puna e tyre lehtësohet gjithashtu nga thundrat e veçanta të këmbëve.
Ashtu si alpinistët që përdorin gishtërinjtë e tyre gjatë ngjitjeve, dhitë e egra kanë dy gishtërinj që hapen dhe u lejojnë të kapen në detajet e vogla të shkëmbit.
Me këtë shkathtësi ato mund të mbahen mirë në hapësirat mes shkëmbit.
Thundrat e tyre janë të forta nga jashtë dhe të buta nga brenda, duke i bërë të afta të ngjiten në pjerrësi më shumë se 60°.
Aftësitë e tyre të ‘alpinizmit’ bëjnë që ato t’u shmangen dhe predatorëve të ndryshem që nuk janë po kaq të shkathët, si arinjtë, ujqërit e leopardët.
Dhitë e egra janë dokumentuar që mund të udhëtojnë deri në 20 km në kërkim të kripërave të tilla natyrale, që i furnizojnë me elementë të rëndësishëm ushqyes.
Top Channel
