Uashingtoni i dha dritën jeshile përdorimit të raketave me rreze të gjatë, reagon Zelenksy 17/11 22:37
Po përjetojmë një verë tepër të nxehtë dhe shumë njerëzve iu duhet të punojnë nëpër zyra, apo jashtë tyre.
Ekspertja e meditimit, Fleura Shkëmbi, na jep disa këshilla si të jemi sa më produktiv në këto ditë përvëluese.
“Po ndodh diçka që është jashtë kontrollit tonë. Jemi në fazën “fight flight freeze”, pra kur rritet nivelit i stresit ose duhet të luftojmë, ose do ikim me vrap, ose do ngrijmë . Ky është reagimi i sistemit nervor, i qenies njerëzore kur ndodhet para një rreziku. Gjëja më e mirë që duhet të bëjmë, të ngrihemi herët të bëjmë frymëmarrjen sapo zgjohemi, minimumi tre frymëmarrje të qeta dhe të rikthehemi tek vetja. Ta bëjmë këtë disa herë në ditë. Minimalisht kur zgjohemi dhe në darkë para së të flemë.
Nëse kemi mundësi të ngrihemi më herët sesa zakonisht dhe të anashkalojmë orët e nxehtë. Vendosim shputat e këmbës zbathur në tokë dhe ti japim sinjalin në sistemin nervor që ne jemi të sigurt. Të pimë shumë ujë dhe të freskohemi sa më shumë të mundemi, me lagien e këmbëve me freskimin e fytyrës, ti japim sinjalin gjithë trupin tonë që jemi të sigurt. Të mos ushtrojmë presion edhe ndaj vetes, edhe ndaj njerëzve që punojmë. Nëse dikush nuk e ka më atë produktivitet ne mund ti japim pak pushim dhe ti japim mundësinë të punojnë në orët që ata dëshirojnë dhe janë më shumë produktiv”- tha Shkëmbi.
Top Channel
