A keni ndjerë ndonjëherë diçka pa e parë, dëgjuar, nuhatur, prekur apo shijuar atë?
Kafshët e kanë këtë lloj përvoje gjatë gjithë kohës.
Shumë prej tyre janë të talentuar në përdorimin e kësaj aftësie shtesë shqisore, saqë varen nga ajo për të perceptuar dhe naviguar botën. Për instiktin, intuitën ose ‘shqisa e gjashtë’ nëse dëshironi, më poshtë do t’iu tregojmë disa detaje më shumë.
Kështu që le të takojmë disa nga psikikët e natyrës!
Pëllumbat
Siç e tregon edhe historia – përpara GPS-së, kishte (dhe ka) pëllumba! Këta zogj kanë një orientim të shkëlqyer dhe një ndjesi shumë të saktë të pozicionimit dhe distancës. Ata mund të përcaktojnë me saktësi se ku janë, si dhe drejtimin dhe gjatësinë e fluturimit të tyre të ardhshëm duke vlerësuar fushën magnetike të Tokës. Kjo aftësi është ‘magnetoreceptimi’ dhe e kanë edhe zogjtë e tjerë shtegtarë!
Peshkaqenët
Shqisa e tyre e gjashtë shërben si një shigjetë shtesë gjatë gjuetisë! ‘Elektroceptimi’, pra në formë dridhje, u lejon atyre të perceptojnë fushën elektrike të Tokës në dyshemenë e oqeanit poshtë tyre. Për më tepër, me ujin e kripur që është një përcjellës i shkëlqyer i elektricitetit, kjo aftësi rritet shumë. Kjo do të thotë se ata, përmes një rrjeti të gjerë elektroreceptorësh, mund të zbulojnë lëvizjet e presë së tyre edhe nëse ajo shtrëngon qoftë edhe një muskul. Në momentin që ndjejnë një shqetësim në forcë, ata vendosen në lëvizje.
Lakuriqët e natës
Ashtu si pëllumbat, edhe lakuriqët e natës janë një nga ato kafshë të pajisura me shqisën e gjashtë për zbulimin e fushave gjeomagnetike për t’i drejtuar ato gjatë migrimit. Por kjo nuk është e gjitha! Një zbulim i kohëve të fundit tregon se lakuriqët e natës kanë një ndjenjë të quajtur “vizion polarizimi” që i ndihmon ata të kuptojnë diellin, rrezet dhe modelet e tij edhe pasi të perëndojë!
Merimangat
Të gjithë mund të pajtohemi me idenë se merimangat janë endëse mjaft të shkëlqyera të rrjetave, por edhe aftësitë e tyre perceptuese nuk mbeten pas. Shqisa e tyre e gjashtë i lejon ato të përcaktojnë faktorë si pesha, madhësia dhe ndoshta edhe identiteti i çdo insekti që kapet në rrjetën e tyre. Jo aq keq për një merimangë të vogël, ë?
Breshkat e Detit
Nëse ka një gjë që bëjnë breshkat e detit, është se ato e gjejnë gjithmonë rrugën e kthimit në shtëpi. Breshkat femra të detit duket se kanë një ndjenjë intuitive të vendlindjes së tyre edhe pasi janë ndarë prej saj! Ata kthehen gjithmonë në plazhin ku kanë çelur dhe nga ku kanë dalë për herë të parë për të notuar në det, kur është koha për të migruar.
Milingonat e kuqe të drurit
Një ditë pushimi është e rrallë për këto milingona që adhurojnë punën, kështu që diçka po shkon tmerrësisht keq kur ato ndalojnë punën e tyre. Milingonat e kuqe të drurit mund të parashikojnë tërmetet një ditë përpara, dhe në një rast të tillë, ka të ngjarë të heqin dorë nga puna dhe të largohen nga kolonia përpara se të godasë fatkeqësia. Peticion që ata të jenë sizmologë të vegjël!
Është magjepsëse se si natyra i ndihmon kafshët e saj në mënyrat më të veçanta, apo jo? Herën tjetër kur të keni një moment intuitiv, mbani mend se këto 6 kafshë janë prova e mirëfilltë se të kesh një shqisë të gjashtë është një hipotezë reale dhe e vlefshme. Besojini universit dhe ai iu mbron shpinën.
Top Channel
